مالپەرا Al-Monitor: پەکەکە گەفێ ل رۆژنامەڤان و پەرلامانتەرێن کوردستانێ دکە

مالپەرا ئەل-مۆنیتۆر: پەکەکە گەفێ ل رۆژنامەڤان و پەرلامانتەرێن کوردستانێ دکە

مالپەرا “Al-Monitor” د نووترین راپۆرتا خوە یا دەربارێ ھەرێما کوردستانێ دا بەحسا ئێریشێن ئالیگرێن پەکەکێ ل سلێمانیێ ل سەر تیما رۆژنامەڤانی یا K24ێ دکە و دبێژە، ئەڤ ئێریش بوونە سەدەما نیگەرانیێ ل ھەرێما کوردستانێ.

راپۆرتا “Al-Monitor” ئاماژە ب ئێریشێن بەردەوام یێن چەکدارێن پەکەکێ ل سەر پێشمەرگە، ل سەر تیما کوردستان24ێ ل سلێمانیێ و لەشکەرکرنا زارۆکان ل ھەرێما کوردستانێ و رۆژئاڤایێ کوردستانێ دکە.

د راپۆرتێ دا ھاتیە، “د ڤان ھەفتەیێن داوی دا گەلەک ئێریشێن پەکەکێ ل سەر ھێزێن پێشمەرگە ھاتنە کرن.”

گۆت ژی: “د 5ێ خزیرانێ دا ھات راگھاندن کو پارتیا کارکەرێن کوردستانێ (پەکەکێ) پێشمەرگەیەک ژ مالا وی یا ل شنگالێ رەڤاند و ئێرشی چەپەرەکێ پێشمەرگە ل پارێزگەھا دوھۆکێ کر.”

ئەل-مۆنیتۆر د راپۆرتا خوە دا دبێژە، ژ بلی خستنا فشارا سیاسی و لەشکەری ل سەر حکوومەتا ھەرێما کوردستانێ، ئالیگرێن پەکەکێ ئێریشی رۆژنامەڤانان دکن.

ئەل-مۆنیتۆر ئێریشا ل سەر تیما کوردستان24ێ ل پێش بزیشکیا داد یا سلێمانیێ و قەدەغەکرنا رۆمالا کوردستان24ێ ل رۆژئاڤایێ کوردستانێ، وەک میناکا ئێریشکرنا ل سەر رۆژکامەڤانان ئانیە.

ھەر وھا ئاماژە ب وێ یەکێ کر: “سیاسەتمەدارێن کورد و یێن نە ل سەر خەتا فەرمی یا پەکەکێ نە، ب ئاوایەکی راستەراست و نەراستەراست ژی ئالیێ پەکەکێ ڤە گەف ل وان تێن خوارن.”

ئەندامێ پارلامەنتۆیا کوردستانێ چیا شەریف ژ  بۆ Al-Monitor راگھاند کو، گەلەک پەیامێن گەفێن کوشتنێ ب رێیا تویتتەر، فەیسبۆک و ژ ھەژمارێن دەرڤەیی کوردستانێ ژ بۆ وی ھاتنە، ژ بەر کو وی ھندەک تشت د تۆرا جڤاکی دا ل سەر پەکەکێ بەلاڤ کرنە.

ژ ئالیەکێ دن ڤە، رێڤەبرێ ناڤەندا ھەڤبەشا کۆردیناسیۆنا قەیرانێ ل ھەرێما کوردستانێ حوسێن کەلاری، ژ بۆ “Al-Monitor” راگھاند کو پەکەکە و شاخێن وێ یێن خوەجھی زارۆکێن تەمەن بچووک یێن د ناڤبەرا 10 و 12ێ دا درەڤینن و دکن چەکدار.

ئەل-مۆنیتۆر د راپۆرتا خوە دا ژی، بەحسا رەڤاندنا زارۆک و جوانان ژ ئالیێ پەکەکێ و کۆمێن سەر ب وێ ڤە ل رۆژئاڤایێ کوردستانێ و سەرانسەری ھەرێمێن کو چەکدارێن پەکەکێ لێ نە ژی، کریە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami