دەستەیا تەحریر ئەل شام دەست دانا سەر ھەژمارەک گوندێن عەفرینێ و نھا نێزیکی باژێر دبە

دەستەیا تەحریر ئەل شام دەست دانا سەر ھەژمارەک گوندێن عەفرینێ و نھا نێزیکی باژێر دبە

دەستەیا تەحریر ئەل شام (جەبھەت ئەل نوسرە یا بەرێ) پشتی شەر و پەڤچوونێن لگەل گروبێن چەکدارێن سەر ب ترکیێ، ھەژمارەک ژ گوندێن عەفرینێ کۆنترۆل کرن و نھا نێزیکی باژارێ عەفرینێ بوونە.

ژێدەرەکێ ژ باژارێ عەفرینێ بۆ کوردستان24ێ راگھاند، ژ شەڤا بۆری ڤە شەرەکێ گران د ناڤبەرا دەستەیا تەحریر ئەل شام «جەبھەت ئەل نوسرە یا بەرێ» و گرۆپا «فەیلەق ئەل شام» دا ل ئالیێ باشوور و رۆژئاڤایێ ھەرێما عەفرینێ دەرکەتیە و دەستەیا تەحریر ئەل شام دەستێ خوە دانایە سەر ھەژمارەک ژ گوندان.

ھەمان ژێدەری دا زانین، دەستەیا «تەحریر ئەل شام» کاری باژارۆکێ جندرێسێ و گوندێن دێربەلووت، دێوا و تل سلۆرێ کۆنترۆل بکە و ھەتا گوندێ خەزەویە و باسووتێ ھاتیە.

ل گۆر زانیاریان، چەکدارێن «فەیلەق ئەل شام» ژ گوندێن باسووفان و بایێ یێن ناڤچەیا شیراوا و دەرگەھێ خەزاویێ کو ھەرێمێن عەفرین و ئدلبێ ژ ھەڤ ڤەدقەتینە، ڤەکشیان و ل شوونا وان چەتەیێن دەستەیا تەحریر ئەل شام ب جھ بوون و گوندێن ناڤچەیا شیراوا و جەندرێس کۆنترۆل کرن.

ھەر ل گۆر زانیاریێن خوەجھی، دەستەیا تەحریر ئەل-شام ھێزێن مەزن ل گوندێن کو کۆنترۆل کرنە بجیھ کرنە و ئامادەکاریا کەتنا باژارێ عەفرینێ دکە.

ژ ئالیەکێ دن ڤە، تەڤگەرا ئەحرار ئەل-شام راگھاند، وێ ب پشتگریا ھەیئەت تەحریر ئەل-شام گوندێ عەین دارا یێ ل باشوورێ عەفرینێ کۆنترۆل کر، دا کو کێمتری 5 کیلۆمەترەیان دووری باژارێ عەفرینێ بکەڤە.

ل گۆر زانیاریان د ئەنجاما شەرێ د ناڤبەرا وان ھەر دو گرۆپان دا، ژ بلی چەکداران، ھەژمارەک ژ کەسێن سڤیل ژی ھاتنە کوشتن و بریندارکرن.

ژێدەران دیار کرن کو ئیرۆ دانێ سبێ ئارتێشا ترکیێ ژ خالێن خوە یێن ل دەردۆرا ناڤەندا باژارێ عەفرینێ ڤەکشیایە بارەگەھێن خوەیێن ل ناڤا باژێر.

دەستەیا تەحریر ئەل-شام ئیرۆ داخویانیەک بەلاڤ کر و تێ دا راگھاند کو وێ ل دژی ھەرێمێن د بن کۆنترۆلا ئارتێشا ترکیێ و کۆمێن گرێدایی وێ ڤە، دەست ب ئۆپەراسیۆنەکا بەرفرەھ کریە.

ھەر وھا دەستەیا تەحریر ئەل-شام د داخویانیا خوە دا بانگ ل گۆپێن ئارتێشا نشتمانی کر کو چەکێن خوە دانن و خوە رادەست بکن.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami