ل ترکیا و باکورێ کوردستانێ ئالیێن سیاسی خوە ژ بۆ ھلبژارتنان ئامادە دکن. تایبەتی ئالیێن کورد پرانی ھەلوەستا خوە ژ بۆ ھلبژارتنا و هەڤپەیمانیێن کوردستانی د مژارا ھلبژارتنان دا زەلال نەکرنە. ئالیێن ترک گەلەک ب زانەبوون ھەولددن کوردا د کەسایەتا ھەدەپێ دا ناسبکن و ب ڤی ئاوایی دەنگێ کوردا دنرخینن. ئەڤ سیاسەت گەلەک ب زانابوون ژ بۆ تێکبرنا ھزرێن نەتەوی ژ ئالیێ پارتیێن ترکانڤە تێ کرن.
ھەدەپە ب خوە رێژەیا دەنگا وەک چەکەک مەزن د دەستێ خوە دا ب کارتینە. یانی سبەھی د ھلبژارتنان دا ژ بۆ ناڤبەرا ھەدەپێ و ئالیێن دن یێن کوردان دا هەڤپەیمانیێ ژ بۆ ھلبژارتنا پێکبهێت، ئەڤ هەڤپەیمانیە ل سەر پرەنسیبێن سیاسی ناهێت ئاڤاکرن. ھەر جورەیێ هەڤپەیمانیا ھەدەپە لگە ئالیێن کوردان بکە، دێ ل سەر بازارێ چەند پارلەمەنتەران بە.
پێدڤییە ل باکورێ کوردستانێ کورد ب ئاوایەکێ گشتی تێبگھن کو، پەکەکە/ھەدەپە چ جارا رێیا دەستخستنا مافێ نەتەوییێ رەوا ژ بۆ کوردا ڤەناکە، و ئەرکا وان ئەوە کو بیر و باوەریێن و ھزرێن نەتەوی تێکببن و رێیا دەولەتبوونا کوردا ھەتا د مەژیێ خەلکێ دا ژی، ب تەمامی ئاستەنگ بکن. باوەر بکن ھەتا کو کورد ئالیێن خوەیێن سیاسی ڤە، رەوشەنبیرێن خوە ڤە، ئاقلمەند و کەسایەتان ڤە، ڤێ راستیێ تێنەگھن و نەبینن چ جارا ئەو ژ بۆ ئازادیا نەتەوی گاڤەکێ پێشیا خوە نابینن.
ھەڤسەرۆکێ ھەدەپێ مەتهەت سانجار د کۆنگرەیا ھەدەپێ یا مێردینێ دا ئاخاڤتنەک کر. سانجار گۆت: تەجریدا ل سەر عربدوللاھ ئۆجالان پێک تێ ئەنجاما پۆلیتیکایێن ئینکارێیە. ئەم ڤێ یەکێ دزانن، ھەکە ئەم چارەسەریەکێ دخوازین، ئاشتیا ماییندە ل وەلات پێک بهێط، کۆمار دەمۆکراتیک ببە، ھەموەلاتیبوونا ئازاد و وەکھەڤ پێک بهێت، پێدڤییە ئەم تێبکۆشین کو ھەموو ئاستەنگیێن ل پێشیا چارەسەریێ بێن راکرن. یەک ژ ئاستەنگیێن ھەری گرینگێن ل پێشیا چارەسەریێ ژی تەجریدا ل ئیمرالیێ یە.
وەک تێ زانین ئەڤە دەمەک درێژە تایبەتی ل باژارێن ئەورۆپا ژ بۆ کو وەکە ئەو دبێژن “تەجرید” ل سەر ئۆجالان رابە چالاکی تێنە ل دارخستن. نھا گەلەک ب زانابوون ھەر تشت ب “تەجریدا” ل سەر ئۆجالان ڤە تێ گرێدان. تەجریدەک ل سەر ئۆجالان ھەیە یان نە، نە زەلالە. د ڤێ دەربارێ دا گەلەک ئاگاھداری ھەنە. ژ ئالیەک دن ڤە ژ بلی دەزگەھێ میتێ ئەڤە دەمەکە ھندەک پسپۆرێن ئاک پارتیێ سەردانا ئیمرالی دکن و ل گەل ئۆجالان دجڤن.
ئەڤە چەندەکە دەنگ وەک بەرێ رۆژانە ژ دەمیرتاش دەرناکەڤە، ئەڤ ھەموو د چەرچۆڤەیا پرۆژەیەکێ دا تێ رێڤەبرن.
ئاک پارتی و ئەردۆگان ژ بۆ کو د ھلبژارتنان دا سەربکەڤە، ھەر رێیەکی دجەربینە و دێ ب ئاوایێ بخوازە ئۆجالان ب کاربینە. سەردکەڤە، سەرناکەڤە ئەڤ بازارەک دنە.
د ئاخاڤتنا مەتهەت سانجار دا ژی ئاماژەیێة ڤێ یەکێ ھەنە. مادەم ھەر تشت ب “تەجرید”کرنا ئۆجالان ڤە ھاتیە گرێدان، دێ ئاک پارتی، د چارچۆڤەیا لەیزتکا تێ کرن دەا، “تەجرید”ێ ل سەر ئۆجالان راکە. دێ ھەڤدیتنێن ئۆجالان و ھەدەپێ دەستپێ بکن.
ئاک پارتی ھەولەک مەزن ددە کو، پرۆژەیا جەهەپێ یا ل سەر سەلاحەدین دەمیرتاش ھاتیە ئاڤاکرن پووچ بکە.
جاردن ئەگەر مرۆڤ ل سەری ڤەگەرە، یا پێویست ژ بۆ پارتیێن کوردا یێن کو ئیدیعا دکن ل سەر خەتەک نەتەوی و کوردستانی سیاسەتێ دکن، ڤێ راستیا پەکەکێ/ھەدەپێ تێ بگھن و ل گۆرا وێ سیاسەتێ ب پرەنسیبێن نەتەوی و کوردستانی بکن.
ھەتا کورد چ سیاسی و چ کۆمەلایاتی د بن هەژموونا پەکەکێ/ھەدەپێ دا تەڤبگەرن ژ بۆ کوردا هیچ دەستکەڤتیەکێ دەستڤە ناینن و تەنێ دبن ئاستەنگ د رێیا دەولەتبوونا کوردان دا.
رۆژەڤاکورد
