سالح موسلم و ئاسیا عه‌بدوللا بوون هەڤسەرۆکێن نوو یێن په‌یه‌دێ

salih-mislim-asya-ebdullah

ئاسیا عه‌بدوللا و سالح موسلم، وەک هەڤسەرۆکێن نوو یێن پارتیا یەکیتیا دەمۆکراتیک په‌یه‌دێ، باسكێ په‌كه‌كێ یێ رۆژئاڤا كوردستانێ، هاتن هلبژارتن.

دوهی ل حەسەکێ 9 مین کۆنگرەیا پارتیا یەکیتیا دەمۆکراتیک په‌یه‌دێ، باسكێ په‌كه‌كێ یێ رۆژئاڤا كوردستانێ، ب بەشداربوونا 700 ئه‌ندامان هاتبوو دەستپێکرن.

د رۆژا یەکەم یا کۆنگرەیێ دا، ئاسیا عه‌بدوللا و سالح موسلم، ل شوونا عایشه‌ حه‌سۆ و ئەنوەر موسلم، وەکی هەڤسەرۆکێن نوو یێن په‌یه‌دێ هاتن هلبژارتن.

کۆنگره‌ ژ بۆ هلبژارتنا 145 ئەندامێن ئەنجوومەنا گشتی و ئەندامێن کۆمیتەیا دسیپلینێ یا پارتیێ بەردەوامه‌.

ئاسیا عه‌بدوللا ل سالا 1971ێ ل گوندێ تەبقە یێ ناڤچەیا دێرکێ ژ دایکبوویە، ئەو د کۆنگرەیا 5 مین یا په‌یه‌دێ دا کو ل 2012 هاتبوو گرێدان، ژ بۆ هەڤسەرۆکاتیا په‌یه‌دێ هاتبوو هلبژارتن.

سالح موسلم ژی ژ گوندێ شێران یێ کۆبانێ یە، ل سالا 1951 ژ دایکبوویە،  ئەو ل سالا 2010 بوویه‌ سەرۆکێ په‌یه‌دێ، پشتی سیستەما هەڤسەرۆکاتیێ د په‌یه‌دێ دا هاتییه‌ ئاڤاکرن، ئەو ل سالا 2012 ژ بۆ هەڤسەرۆکاتیا په‌یه‌دێ دهێته‌ هلبژارتن و پشترە ژی ل 2015 جارەکە دی دبیته‌ هەڤسەرۆکێ وێ پارتیێ.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami