د دۆزا فەرھاد شبلی دا پرس و بەرسڤێن تەڤلیھەڤ

د دۆزا فەرھاد شبلی دا پرس و بەرسڤێن تەڤلیھەڤ

د 17ێ خزیرانێ دا ل ناڤچەیا کەلارا دەڤەرا گەرمیانا ھەرێما کوردستانێ ل دژی وەساییتەکێ ئێریشەکا ب فرووکەیێن ب فرووکەڤان  پێک ھات. د ئێریشێ دا 4 کەسا ژییانا خوە وندا کر. ھات راگھاندن کو د وێ وەساییتێ دا یێن ژیانا خوە ژ دەست دانە ھەموو ئەندامێن پەکەکێ نە. ئیرۆ مەجلیسا رێڤەبەرا رێڤەبەریا خوەسەرا رۆژئاڤا داخویانیەک دا و راگھاند کو یەک ژ کەسێن ژیانا خوە ژ دەست دانە رێڤەبەرێ وانە. ھەروھا چاڤکانیێن نێزیکی پەکەکێ ئیدیعا کرن کو 3 کەسێن دن ژی  ژنن و کارمەندێن رێڤەبەرییا خوەسەرا رۆژئاڤا نە. بێگوومان د ڤێ بوویەرێ دا ئالیێن کو مەژییێ مرۆڤ تەڤلھەڤ دکن ھەنە.

ھات گۆتن کو ھەر 4 کەسێن د وەساییتێ دا ژیانا خوە ژ دەست دانە ژ رۆژئاڤایێ کوردستانێ نە. لێ بەلێ ناڤێن ڤان کەسان نەھاتە ئاشکەراکرن. ھەر وھا ھەموو رێوورەسم تەنێ ژ بۆ فەرھاد شبلی تێن لدارخستن و تەنێ یەک جەنازە ژ بۆ رۆژئاڤا ھاتە شاندن. چما ناڤ نەھاتنە ئاشکەراکرن و چ ب وان جەنازەیێن دن ھات؟

مژارەکە دن یا تەڤلیھەڤ ئەوە کو ئەنداما رێڤەبەریا خوەسەرا باکور و رۆژھلاتێ سووریێ ل کەلارێ چ دکە. کەلار نە ھەرێمەکا ناڤەندییە. ھەتا ژ ناڤچەیێن کوردستانی یێن ناکۆک یێن د بن کۆنترۆلا ئیراقێ دا نە. ژ بەر ڤێ یەکێ ب راستی کەلار باژارۆکەک بچووکە د ناڤ سینۆرێ عەرەب و فارس و کوردان دا. ھەر وھا ترۆمبێلا «فەرھاد شبلی» ژی ل سەر رێیا بەژاھییا د ناڤبەرا گوندێن «بالووت و قاسم ئاغا» دا ھاتە بۆردومانکرن. ب گۆتنا وان گەلۆ ئەندامەکێ مەجلیسا رێڤەبەریا خوەسەرا باکور و رۆژھلاتێ سووریێ دکارە ل ور چ ھەڤدیتن و خەباتێ بکە؟ بێ گومان «فەرھاد شبلی» ل سەر رێیا ئاخی یا ناڤبەرا دو گوندێن گەرمترین یێن ھەرێما کوردستانێ یا ب ناڤێ گەرمیان، نە ل سەر ناڤێ خەباتا رۆژئاڤا، ل سەر ناڤێ پەکەکێ ل ور بوو. «فەرھاد شبلی» وەکە ئەندامێ کۆمیتەیا 5 کەسی یا پەکەکێ یا ب ناڤێ ئیراق و باشوورێ کوردستانێ خەباتێ دکە، چووبوو ھەرێما گەرمیان.

فەرھاد شبلی یان ژی «فەرھاد دێرک» یان ژی «فەرھاد کۆچەر»، ھوون دکارن ھەر سێ ناڤان ب کار بینن. ژ بەر کو فەرھاد شبلی پشتی کو د سالا 1993یێ دا تەڤلی پەکەکێ بووی ئەڤ ناڤ ھەموو ب کار ئانین. ژ ھەرێما کۆچەرا تا دێرکێ کار کریە و مالباتا وی گەلەک تەڤلی پەکەکێ بوونە. گەریلایەکە کو د شەری دا لنگەکێ خوە ژی وندا کر بوو. پشتی سالێن 2000ێ دەمەک درێژ ل رۆژئاڤایێ کوردستانێ خەباتێن پەیەدێ دمەشینە و ل دێرکێ باش تێ ناسکرن.

د سالا 2016ێ دا پەکەکێ ب تومەتا کادرۆیێن رۆژئاڤایی خوە ونداکرنە و ژ ناسنامەیا پەکەکێ دەرکەتنە لوما ژی ل ھەمبەر کادرۆیێن رۆژئاڤا دو تاکتیک پێش خست. ژ ئالیەکێ ڤە ھەژمارەکا مەزن ژ رێڤەبەرێن باکورێ کوردستانێ شاندن رێڤەبەریا رۆژئاڤا و ئەرکا ئەکتف و سەرەکی دان وان. ژ ئالیێ دن ڤە کادرۆیێن رۆژئاڤا کێشان پەروەردەیێ و پشترا ل قادێن دن برێخستن کرن. فەرھاد شبلی ژی یەک ژ وانە. ب ئیدیعایا کو دەمەکێ درێژ ل رۆژئاڤا مایە و ناسنامەیا وی یا کادرۆیی گەلەکی خەراب بوویە، ژ ئالیێ پەکەکێ ڤە ھات کشاندن بۆ باشوورێ کوردستانێ ژ بۆ پەروەردەیا کادری یێ. پشت را ئەو ل کۆمیتەیا ئیراق و باشوورێ کوردستانێ ھاتە ئەرکدار کرن. یانی ل باشوورێ کوردستانێ کار دکە.

ئەڤ راستیا ئێریشا کەلارێ یە. لێ پەکەکە ھەر رۆژ د چاپەمەنیا خوە دا ھەم گرسەیا خوە و ھەم ژی ھەموو رایا گشتی دخاپینە. د رێوورەسمێ جەنازەیێ فەرھاد شبلی دا درووشما “بمرە خیانەت” هات قیرین. لێ ئەگەر ئیخانەت ھەبە ئەو ژی خیانەتا پەکەکێ یە. ھەر وھا چیرۆکا راستینا فەرھاد شبلی ھاتە ڤەشارتن و ب چیرۆکەکا درەو خیانەت ل فەرھاد دێرک ھات کرن. ھەلبەت خیانەتا ل وان  سێ ژنێن کو ناڤێن وان نەھاتن ئاشکەرا کرن ژی نایێ عەفووکرن.

چاوا کو ئارتێشا ترک دا چاوشێن پسپۆر ھەنە. ڤان چاوشان لگەل دەولەتێ دا پەیمان ئیمزا کرنە، کو دەما مرن ناڤێن وان نەیێ ئەشکەرەکرن. ب ڤەشارتی تێنە دەفنکرن. پەکەکە ژی لگەل کادرۆیێن خوە دا وەک فەرمانبەرێن دەولەتا ترک تەڤدگەرە. ئەو ژ بۆ ھەر یەک ژ وان سەناریۆیێن جودا جوودا دنڤیسە و پێشکەش دکە.

ژخوە ھەموو ئالییەکێ پەکەکێ، رێڤەبەریا رۆژئاڤا و چاپەمەنیا ڤان ل سەر بوویەرا فەرھاد شبلی دەرەوان دکن. ھەر وھا ب ئاوایەکێ بێشەرم درەوا ل گەلێ باشوورێ کوردستانێ دکە و وێ  سبە ژی بێژە پەدەکێ فەرھاد ئیخابار کر. لێبەلێ، کێشە نە ئخبارە. مەسەلە شێوازێ سیاسەتا پەکەکێ یە. سەدەما ڤان ھەموو ئێرش و مرنان پەکەکەیە.

ئەم ھەموو باش دزانین کو دەولەتا ترک ھەبوونا خوە ل سەر تونەبوونا کوردان ئاڤا کریە. تشتەک ژێ نایێ ھێڤیکرن. لێ پەکەکە ژ بۆ کو ژیانا خوەیا رێخستنی درێژ بکە ھەم باشوورێ کوردستانێ ھەم ژی رۆژئاڤا داڤێژە ناڤا ئاگر دا. خەباتکارێن پەکەکێ ل کەلارێ چ دکن؟ ما کەلار سینۆر لگەل ترکیێ دا ھەیە؟ نا.

پەکەکە ل کەلارێ چ دکە و چ دگەرە؟ د بن ناڤێ خوەپاراستنێ دا دەورێن پەروەردەیا لەشکەری ڤەدکە و کۆمێن گەنجا پەروەردە دکن. ھەول ددن ل ھەرێمێ ب جھ ببن. ئەو لگەل شیعەیێن بەغدایێ دا دانووستاندنان دکە دا کو ئەو گەنجێن کو د بن ناڤێ ھێزێن خوەپاراستنا جەوھەری دا پەروەردە کرنە وەک بەشەک ژ حەشدا شەعبی بێن قەبوولکرن. گەلۆ ئەڤ ب کێری کوردان تێ؟ قەد و قەد نا.

ب کورتاسی، پەکەکە دخوازە جوانێن باشوورێ کوردستانێ بکە چەکدارێن کرێت یێن شیعا، دا کو دەستکەفتێن ھەرێما کوردستانێ ژناڤ ببن و خزمەتا ئیرانێ بکن. کادرۆیەکی ژ رۆژئاڤا فەرھاد شبلی ژی ل ڤر ژیانا خوە ژ دەست دا. یانی پەکەکە د ھەمان دەمێ دا ھەم ل باشوور ھەم ژی ل رۆژئاڤا خیانەتێ ل کوردان دکە. ل دژی باشوورێ کوردستانێ ھێزەکا چەکدار ئۆرگانیزە دکە و ل گەل وێ ژی رۆژئاڤا تەرۆریزە دکە. کادرۆیێن رۆژئاڤا ژی ژ بەر کو ژ غەزەبا پەکەکێ دترسن دەرەوا پەکەکێ دوبارە دکن. چاوا کو ئیران ژ بۆ پرۆژەیا «هیلالا شیعە» جوانێن شیعە ژ جھەکێ ڤەدگوھێزە جھەک دی، پەکەکە ژی مینا ئیرانێ کادرۆیێن خوە د ڤێ جۆگافیایێ دا ڤەدگوھێزە بۆ هێرڤە و وێڤە. کادرۆیێن ئیرانێ ھەر کو بگرە، ھەر کو پارچەیەک ژ هیلالا شیعە ببینە مرنێ لگەل خوە دبن وی واری. لوبنانا کو ژێ را دھاتە گۆتن پاریسا رۆژھلاتا ناڤین یان ژی دلێ رۆژھلاتا ناڤین، پشتی تەڤگەرێن ئیرانێ ڤەگوھەری جھەکێ ئیفلاسکری و خێزانی، ئالۆزی و پەڤچوونان لووبنان وێران کر. یەمەن مەخدوورێ شەرێ ئیرانێ یە، زارۆک ژ برسا دمرن. ئیران مرنێ هەناردەی ھەرێمێ دکە. جھێ کو پەکەکە لێ نەبە ئاژاوەگێری، مرن و پەڤچوون لێ نینە. ل ئەورۆپایێ گرسەیا پەکەکێ دادکەڤە کۆلانان و لگەل پۆلیسێن فرانسی دا پەڤچوونان دکە. ل سلێمانیێ دمەشە و ئێرشی ئاساییشا کوردستانێ دکە و گوندێن باکورێ کوردستانێ یێن کو پەکەکێ دەستهەلات تێدا کری ھەموو وێران بوون. پەکەکە ژی مرنێ، وێرانیێ و خوەلیسەرییێ کاشی ناڤا ئاخ و جڤاکا کوردستانێ دکە. ب ھاتنا پەکەکێ مرن ل ھەر دەرێ باشوورێ کوردستانێ پەیدا بوویە. نیشتەجیێن شەنگالێ برین ل پەی برینێ دژین. ھەوار ھەوارا وانە کو پەکەکە ژ ھەرێما شنگالێ دەربکەڤە.

پەکەکە بەرژەوەندیێن پارتییا خوە تێخە پێشییا ژیانا گەل. پەکەکە ژی مینا  ئیرانێ ھەر جھێ کو دچیتێ مرن و تاریتیێ لگەل خوە دا دبە ور. یا کو ل کەلارێ قەومی ژی ئەڤە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami