ل پارێزگەھا دێرسمێ یا باکورێ کوردستانێ شۆفێرێن پاسا راگھاند کو ژ بەر بھابوونا نرخێ سۆتەمەنیێ ئەو بێ دەم کارێ خوە رادوەستینن.
ل گۆر ئاگاھیان، شۆفێرێن پاسان یێن ل پارێزگەھا دێرسمێ ب ئارمانجا نیشاندانا نەرازیبوونا خوە ژ نرخێ سۆتەمەنیێ کارێ خوە ھەتا دەمەکێ نەدیار راوەستاندنە.
شۆفێرێن کو د ناڤبەرا تاخان دا ڤەگوھەستنا رێویان دکن دبێژن ھەر رۆژ نرخێ سۆتەمەنیێ زێدە دبە و ئێدی ئەو ژ کارێ خوە چ فادەیەکێ نابینن و ژ بەر ڤێ یەکێ ژی بریارەکا وھا داییە.
ل ترکیا و باکورێ کوردستانێ رۆژانە نرخێ سۆتەمەنیێ دهێت زێدەکرن و ئەڤ ژی دبە سەدەما نەرازیبوونا وەلاتیان.
ھەری داوی 17ێ خزیرانا 2022یێ نرخێ بانزینێ 80 قوروش ھاتبوو زێدەکرن و ل دێرسمێ نھا نرخێ لیترەیا بانزینێ 30 لیرە و 46 قوروشە.
