ل باكورێ كوردستانێ دو لەشکەرێن ترکیێ هاتن کوشتن

diyarbakir_lice-pkk

ل ناڤچەیا لجێ یا ئامه‌دێ د شەرێ چەکداری یێ د ناڤبەرا لەشکەر و په‌كه‌كه‌ییان دا، 2 لەشکەر هاتن کوشتن.

ل گۆر داخویانیا وەزارەتا ناڤخوە یا ترکیێ، ل ناڤچەیا لجێ یا ئامه‌دێ د ناڤبەرا لەشکەر و په‌که‌که‌ییان دا پەڤچوونا چەکداری دەرکەت و 3 لەشکەر بریندار بوون، پشتی لەشکەر ژ بۆ نەخوەشخانەیێ هاتن راکرن، 2 لەشکەران گیانێ خوە ژ دەست دان، دەرمانکرنا لەشکەرێ دن یێ بریندار ژی ددۆمە.

د داخویانیێ دا هات دیارکرن کو ئەو پەڤچوون دوهی چارشەمبێ 22 خزیرانا 2022 د ئۆپەراسیۆنا ئەندامێن فەرمانداریا ئالای کۆماندۆ یا جەندرمەیان یا لجێ دا ل بەژاهیا ناڤچەیا گۆچەرێ یا لجێ دا دەرکەتبوو.

هات گۆتن، د شەرێ چەکداری یێ ب په‌كه‌كه‌ییان را چاویشێ پسپۆر ئۆگوزهان ئاردوچ و پسپۆرێ جەندرمەیان چاویش تورگوت ئیچەن جانێ خوە ژ دەست دان.

هات دیارکرن کو یەکینەیێن ژوهـ و کۆماندۆیێن جه‌ندرمه‌یان ژ بۆ هەرێمێ هاتن شاندن.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami