شاندا وەزارەتا پێشمەرگە ل بەغدایێ ھەڤدیتن پێک ئانین

شاندا وەزارەتا پێشمەرگە ل بەغدایێ ھەڤدیتن پێک ئانین

وەزارەتا پێشمەرگە د داخویانیەکێ دا راگھاند، ئیرۆ شاندا وەزارەتا پێشمەرگە کو ب سەردانەکا فەرمی ل بەغدایێیە، ھەژمارەک ھەڤدیتن و جڤین لگەل فەرمانداریا ئۆپەراسیۆنێن ھەڤبەش، وەزیرێ بەرەڤانیێ یێ ئیراقێ، سەرۆکەرکانێ وەزارەتا بەرەڤانیێ ئەنجام دان و گۆتووبێژ ل سەر پێکانینا دو لیوایێن ھەڤبەش د ناڤبەرا پێشمەرگە و ھێزێن ئارتێشا ئیراقێ دا ھات کرن.

ل گۆر داخویانیا وەزارەتا پێشمەرگە، ئیرۆ 23یێ خزیرانا 2022یێ، شاندا وەزارەتا پێشمەرگە ب سەرۆکاتیا سەرۆکەرکان «عیسا عوزێر» سەردانا فەرمانداریا ئۆپەراسیۆنێن ھەڤبەش کر و ژ ئالیێ جیگرێ فەرماندارێ ئۆپەراسیۆنێن ھەڤبەش «عەبدولەمیر شەمەری» ڤە ھات پێشوازیکرن.

د داخویانیێ دا ھات ئەشکەرەکرن، «عەبدولەمیر شەمەری» کورتەیەک ل سەر چالاکی و کارووبارێن وەزارەتا بەرەڤانی و فەرمانداریا ئۆپەراسیۆنێن ھەڤبەش ژ ئالیێ شێوازا رووبرووبوونا گرووپێن تەرۆریستان و ل سەر مژارێن ئەولەھی و سەربازییێن ئیراقێ، پێشکێش کر. پشترا شاندا وەزارەتا پێشمەرگە، سەردانا بەشێن فەرمانداریا ئۆپەراسیۆنێن ھەڤبەش کر.

پشترا شاندا وەزارەتا پێشمەرگە، د دو ھەڤدیتنێن جودا دا ژ ئالیێ وەزیرێ بەرەڤانیێ یێ ئیراقێ «جوومعە عیناد» و سەرۆکەرکانێ وەزارەتا بەرەڤانی «عەبدولەمیر یارەللاھ» ڤە ھات پێشوازیکرن.

د جڤینێ دا پێوەندیێن ناڤبەرا وەزارەتا بەرەڤانییا ئیراقێ و وەزارەتا پێشمەرگە ھات گۆتووبێژکرن، باشترکرن و پێشڤەبرنا پێوەندیان و دروستکرنا باوەریەکا بھێز د ناڤبەرا ھەردو ئالیان دا، د ھەموو واران دا ب گرینگ و پێویست ھات دیتن، ب تایبەتی نھا، دا کو باندۆرەکا زێدەتر دروست بکن ژ بۆ رووبرووبوونا داعشێ.

پوستێن ھەمان بەش