ل سێرتێ د نێڤبەرا جەردەڤانان دا شەرێ چەکداری روودا

 ل گوندەکێ پارێزگەھا سێرتێ یا باکورێ کوردستانێ د ناڤبەرا جەردەڤانان دا شەر دەرکەت و د ئەنجامێ دا 2 کەس ھاتن کوشتن و 3 کەس ژی بریندار بوون.

ھات راگھاندن کو جەردەڤانێن گوندێ «سانۆھێ» چوونە گوندێ «بەستانێ» و ژ بەر سەدەما ئەرد د ناڤبەرا وان دا نیقاش دەرکەتیە.

پشتی نیقاشێ چەک ھاتنە بکارئانین و ل گۆر زانیاریان 5 جەردەڤان ب چەکێن درێژ ھاتنە گولەبارانکرن و 2 ژ وان ھاتنە کوشتن.

گەلەک جەندرمە و تیمێن تەندروستیێ چوونە جھێ بوویەرێ و کەسێن کو د پەڤچوونێ دا بریندار بوونە ب ئامبولانسان راکرنە نەخوەشخانەیا پەروەردە و لێکۆلینێ یا سێرتێ.

ھات دیارکرن کو ل دەڤەرێ تەدبیرێن بەرفرەھێن ئەولەھیێ ھاتنە گرتن.