ئیرۆ 26/6/2022یێ ب دو مووشەکان ئێریشەک ل ھەمبەر بنکەیێ لەشکەری یێ ئارتێشا ترکیێ یا ل ناحیەیا زیلکانا سەر ب قەزا شێخانێ پێکھات.
ڤێ دەربارێ دا رێڤەبەرێ ناحیەیا زیلکان محەمەد ئەمین راگەھاند، ئیرۆ ئێریشەک ب دو مووشەکان ل ھەمبەر سەربازگەھا ترکیێ یا ل سینۆرێ ناحیەیا مە پێکھات.
ھەروھا دیار کو ھەردو مووشەک نێزیکی سەربازگەھێ کەتنە خوارێ، لێ چ زیانەک ل دوو خوە نەئانیە.
رێڤەبەرێ ناحیەیا زیلکانێ ئاشکەرا کر، تەنێ د ڤێ مەھێ دا ئەڤ چارەمین جارە ئێریش ل سەر بنکەیێ ترکیێ یێ ل ناحیەیا زیلکانێ پێکتێ.