ل باكورێ كوردستانێ، راپرسییه‌ك هاتییه ئه‌نجام دان، ل گۆری وێ ده‌نگێن هه‌ڤپه‌یمانییا جمهوور كێم بوونه، هه‌موه‌خت ده‌نگێن هه‌ده‌پێ و جه‌هه‌پێ زێده‌بوونه.
ل گۆری راپرسییه‌كێ كو ل پێنج پارێزگه‌هێن باكورێ كوردستانێ هاتییه ئه‌نجام دان، ده‌نگێن هه‌ڤپه‌یمانییا جمهوور كێمبوونه و ئه‌و نكاره پرانیێ ل ور ب ده‌ست بێخیت، ل همبه‌ر وێ، ده‌نگێن پارتییا ده‌مۆكراتیك یا گه‌لان هه‌ده‌پێ و ده‌نگێن پارتییا گه‌ل یا كۆماری جه‌هه‌پێ زێده‌بوونه.
كۆمپانیا له‌كۆلینان یا ب ناڤێ بوپار ل رۆژێن 15 گولانێ هه‌تا 15 خزیرانا ئیسال 2022 راپرسی ل پارێزگه‌هێن ئاگری، ئامه‌د، مێردین، مووش و وانێ یێن باكورێ كوردستانێ ئه‌نجام دایه.
د راپرسیێ دا ئه‌ڤ پرس هاتیه ئاراسته‌كرن: د هلبژارتنێن پارلمه‌نێ دا دێ ده‌نگی ب كیژان پارتیێ بدن؟
ئێنجام وه‌ها ده‌ركه‌تنه:
%76.6 گۆتنه دێ ده‌نگی ب جه‌هه‌پێ بده‌ین.
%56.8 گۆتنه ده‌نگێن پارتیا پێشکەتن و ده‌موکراسی وێ زێده ببن.
%54.6 گۆتنه كو دەنگێن ئیی پارتیێ دێ زێده ببن.
%74.2 گۆتنه هه‌ڤپه‌یمانییا جمهوور كو ژ ئاکپارتی و مەهەپێ پێک تێ دێ پرانیێ ب ده‌ست نه‌ئێخیت.
د پرسه‌كا دن دا هه‌گه‌ر د هلبژارتنا سه‌رۆككۆمار دا ره‌جه‌ب تایب ئاردۆگان و كه‌مال كلچدار ئۆغلو د گه‌را دویه‌مین دا بمینن دێ ده‌نگی ب كیژان ژ وان بدن؟
به‌رسڤ وها ده‌ركه‌تن:
75% گۆتنه ئه‌مێ ده‌نگ بدن كه‌مال كلچدار ئۆغلو
15.7% گۆتنه ئه‌مێ ده‌نگ بدن ره‌جه‌ب تایب ئاردۆگان
