هێزێن ترکیێ پێنج گوندێن سەر ب باژارۆکێ شێراوا یا هەرێما عەفرینێ و باژارۆکێ تل تەمرێ یێ حەسەکێ، تۆپباران کرن.
ل گۆر چاڤکانیێن نێزیکی رێڤەبەریا خوەسەر، هێزێن ترکیێ گوندێن تنب، کشتار، ئەبین و سۆخانکێ یێن سەر ب ناحیا شێراوا یا عەفرینێ تۆپباران کرنە.
عەفرین هەرێمەکە رۆژئاڤایێ کوردستانێ یە کو ژ ئادارا سالا 2018 ڤە د بن داگیرکەریا ترکیێ دا یە. ژ هەرێما عه‌فرینێ تەنێ 12 گوندێن سەر ب باژارۆکێن شێراوا و شەرایێ د کۆنترۆلا هێزێن کوردی دا مانە کو ب بەردەوامی ژ ئالیێ هێزێن ترکیێ ڤە تێن تۆپباران کرن.
هێزێن ترکیێ و کۆمێن چەکدار هەروه‌ها گوندێ تل تەویلێ ل سینۆرێ باژارۆکێ تل تەمرێ ل باکورێ رۆژئاڤایێ حەسەکێ تۆپباران کرنە.
د ئەنجاما تۆپبارانێن ل سەر وان گوندان دا، زەرارێن ماددی گه‌هشتیە مال و ملکێن گوندیان.
د هەردو رۆژێن 24 و 25ێ خزیرانێ دا ژی، هێزێن تركیێ گوندێن شێراوا یا عه‌فرینێ تۆپباران کربوون، هەر د هەمان رۆژان دا هێزێن ترکیێ گوندێن تل تەویل و ئوم ئەل-کێف ل گوندەوارێ تل تەمرێ تۆپباران کربوون.
