بەرپرسەکێ پلەبلند یێ ھەرێما کوردستانێ دبێژە، ل سەر ئێرشێن مووشەکی یێن ل دژی کارگەھا غازێ یا کۆرمۆر کۆمیتەیەک لێکۆلینێ پێک ھاتیە.
نوونەرێ وەزارەتێن پێشمەرگە و ناڤخوە یێن کوردستانێ د فەرماندەھیا ئۆپەراسیۆنێن ھەڤبەشیا ئارتێشا ئیراقێ دا، جەنەرال عەبدولخالق تەلعەت ژ بۆ مالپەرا فەرمی یا پەدەکێ گۆتیە، ل سەر ئێرشێن مووشەکی یێن ل دژی کارگەھا کۆرمۆر کۆمیتەیەک ژ فەرماندەھیا ھێزێن ھەڤبەش پێک ھاتیە. نوونەرێ وەزارەتا پێشمەرگە ژی تێ دایە. ئارمانجا لێکۆلینێ ئەوە دا کو سەبەبا وان ئێرش و ئالۆزیان دەرکەڤە.
جەنەرال عەبدولخالق تەلعەت ھەر وھا گۆتیە، وسا ھاتیە بەلاڤکرن کو ھێزەکا مەزن یا ئیراقێ دەرباسی نێزیکی کۆرمۆرێ بوویە لێ ئەو نووچە راست نینن ژ بەر کو تەنێ ھێزەک بچووک ل وێ دەڤەرێ ئۆپەراسیۆنەک کریە و دیسا ڤەگەریایە جھێ خوە.
ب گۆتنا وی بەرپرسی، چ ھێزەکا فەرمی یا ئیراقێ دەرباسی وێ دەڤەرێ نەبوویە، ئەوێن کو ئێرش ژی دکن ھێزێن نە قانوونی و خرابکارن و دخوازن رەوشێ ئالۆز بکن. نھا رەوش ئارامە و ھەر کەس ل بەندا ئەنجامێن لێکۆلینێ یە.
