فرۆکەیێن بێفرۆکڤانێن ترکیێ دو ئێریش ل دێرک و تل رفعەتێ پێک ئانین

فرۆکەیەکا بێفرۆکڤان یا ترکیێ دو ترۆمبێل ل گوندێ «خانا سەرێ» یێ ل نێزیکی دێرکا رۆژئاڤایێ کوردستانێ کرن ئارمانج. ھەر وھا فرۆکەیێن ترکیێ مالەک ل باژارۆکێ تل رفعەتێ بۆمبەباران کر.

ل گۆر ژێدەرێن خوەجھی، ئیرۆ سەرێ سبێ دەردۆرا دەمژمێر 4:00 فرۆکەیەکa بێفرۆکڤانا ترکیێ دو ترۆمبێل ل گوندێ خانا سەرێ بۆمبەباران کرن. ل گۆر زانیاریێن دەستپێکێ ژی، د ئەنجاما بۆمبەبارانێ دا بریندار ھەنە.

ل گۆر ژێدەران، بریندار ژ بۆ نەخوەشخانەیان ھاتنە ڤەگوھاستن.

ژ ئالیەکی دن ڤە ژی، فرۆکەیەکا بێفرۆکڤانا ترکیێ ئیرۆ دانێ سپێدێ مالا وەلاتیەکی ل باژارێ تل رفعەتێ بۆمبەباران کر.

ل گۆر زانایریان خوەجەھی، د ئێریشێ دا چ زیانێن جانی چێنەبوون و زیان تەنێ مادی بوونە.

ئەڤە د دەمەکێ دایە، سەرۆکۆمارێ ترکیێ رەجەب تەیپ ئەردۆگان دوھی جارەکا دن گەفا دەستپێکرنا ئۆپەراسیۆنا ل رۆژئاڤایێ کوردستانێ و سووریێ کر و گۆت: “ئەم دێ ب تەمامکرنا کێماسیێن ڤالاهیا ئەولەھیێ یا ل سەر سینۆرێ سووریێ، دەست ب ئۆپەراسیۆنێن نوو بکن.”