هه‌ر كو دچه په‌كه‌كه به‌رخوه‌دانا خوه ب ده‌ره‌وێن ب شاخ گه‌ش دكه، رێخستنێ د 10 رۆژێن رابووری ده 16 داخویانی دانه و تێ ده كوشتنا 319 له‌شكه‌رێن ترك راگهاندیه!.
مه‌دیا په‌كه‌كێ رۆژانه ده‌ره‌وێن رێخستنێ و ئاگاهیێن به‌رخوه‌دانا ساخته پارڤه‌دكه، د 10 رۆژێن رابووری ده نووچه ده‌ربارێ 16 داخویانیێن هه‌په‌گێ به‌لاڤ كرنه و گۆتییه كو ل ڤان 10 رۆژێن داویێ گه‌ریلایان 319 له‌شكه‌ر ل باشوورێ كوردستانێ كوشتنه، ب ده‌هان له‌شكه‌ر بریندار كرنه!.
رێخستنا په‌كه‌كێ ژ سه‌رجه‌ما ڤان 319 له‌شكه‌رێن كو گۆتییه وێ كوشتنه، ته‌نێ دیمه‌نێن یه‌ك ژ وان به‌لاڤ كریه و هه‌موو له‌شكه‌رێن دن وێنه‌یێن چه‌كدارێن خوه یێن زارۆك ل گه‌ل پارڤه‌كرنه، وێنه‌یێن كو ب ئاوایێ ئاكشنا هۆلیوودێ هاتنه گرتن.
رێخستنا په‌كه‌كێ و ئارتێشا تركیێ هه‌ر رۆژ بیلانچۆیێن ده‌ره‌و یێن شه‌ر پارڤه‌دكن و هه‌ر یێك دبێژه مه ئه‌وقاس كوشتنه، لێ به‌لێ رێخستن دڤێ ده‌ربارێ ده ده‌ره‌وێن ئه‌وقاس پارڤه‌دكه كو پر زه‌حمه‌ت یێ مه‌ژیكی وی هه‌به ژێ باوه‌ر بكه.
