وەزارەتا بەرەڤانیا ترکیێ راگهاند، لەشکەرەکی وی وەلاتی ل ناڤچەیا ئۆپەراسیۆنا «پەنجە-کلیل» د ئەنجاما ئێریشەکا په‌كه‌كێ دا هاتیە کوشتن.
ل گۆر داخویانیا وەزارەتا بەرەڤانیا ترکیێ، ئۆپەراسیۆنا «پەنجە-کلیل» یا ئارتێشا وی وەلاتی ل ناڤچەیێن مەتینا، زاپ و ئاڤاشین – باسیان، د ناڤ ئاخا هەرێما کوردستانێ دا بەردەوامە.
د داخویانیا وەزارەتێ دا هاتیە گۆتن: «د بەردەوامیا ئۆپەراسیۆنێ دا ئەفسەرەکێ ئارتێشا وی وەلاتی ب پلەیا چاویشێ پسپۆرێ ب ناڤێ عه‌بدوللا بایرام، ئیرۆ 28ێ خزیرانێ د ئەنجاما ئێریشەکا په‌كه‌كێ دا هاتیە کوشتن».
ئارتێشا ترکیێ ژ 17ێ نیسانا ئیسال ڤە ئۆپەراسیۆنەکا نوو ل دژی په‌كه‌كێ، ب ناڤێ ئۆپەراسیۆنا «پەنجە-کلیل» دەست پێ کریە کو هەتا نها بەردەوامە.
ئۆپەراسیۆنا «پەنجە-کلیل»، ناڤچەیێن مەتینا، زاپ و ئاڤاشین – باسیانێ یێن د ناڤ ئاخا هەرێما کوردستانێ دا ل خوە دگریت.
