زانیاریێن نوو ل سەر تەڤگەرێن پەکەکێ ل کەرکووکێ ئەشکەرا دبن

پارتیا کارکەرێن کوردستانێ (پەکەکە) ب ئالیکاریا چەند گرووپێن حەشدا شەعبی ل کەرکووکێ دگەرە و دخوازە چەکان بدەست بخە، هەر وها ب ئالیکاریا حەشدا شەعبی ل ھنەک جھان بنکە و بارەگەھێن خوە ڤەکرنە.

ژێدەرەکی پلەبلندێ ئاساییشا بەغدایێ ژ بۆ باس نیوسێ راگەھاند: “ئەڤە چەند رۆژن پەکەکە ل کەرکووکێ ل جھێن کو چەکان دفرۆشە چەکان دکرە و بنکە و بارەگەھێن خوە ڤەدکە، حەشدا شەعبی ژی ئالیکاریا پەکەکێ دکە.

ھەمان چاڤکانیێ ئەشکەرە کر کو، وێ زێدەتر بارەگەھێن پەکەکێ ل کەرکووکێ ھەبن و تەڤاھیا وان د بن لیوایەکا حەشدا شەعبی دا بن.

دەربارێ ڤێ مژارێ دا، نوونەرێ حکوومەتا ھەرێما کوردستانێ ل ئۆدەیا ئۆپەراسیۆنێن ھەڤبەشا ئیراقێ، لژنەیا گشتی عەبدولخالق تەلعەت راگهاند: “ئاگاھیەک ھەیە کو پەکەکە لڤ و تەڤگەرا خوە ل کەرکووکێ زێدە دکە، ھندەک مژارێن ئەولەھیا کەرکووکێ ھەنە کو نایێن گۆتووبێژکرن ل سەر  مەدیایێ، لێ یا کو پەکەکە ل کەرکووکێ دکە مەترسیدارە.”

ل گۆر چاڤکانیەک دن یا ئەولەھیێ ژ ئاساییشا کەرکووکێ: “پەکەکە زارۆک و خەلکێ ئاسایی یێن باژارێ رەحیمە خاپاندنە و برن دەڤەرا خۆر نازان و ئەڤ چەند رۆژن ل کەرکووکێ چەکان دکرن. مەبەستا وان نە دیارە، چەک ژ ئالیێ جوانێن وەلاتپارێز ڤە ب پارەیەکێ باش تێن کرین.”