جوانێن نەتەوی یێن کوردستانێ – CNKێ ب داخویانیەکا نڤیسکی د سالڤەگەرا دارڤە کرنا شێخ سەعید و ھەڤالێن وی دا ئەو ببیرئانین.
پەیاما CNKێ وھایە:
ژ بۆ کوردستانیێن عەزیز و خەباتکارێن مەدیایێ
د 29/6/1925ێ دا، د ئەنجاما بریارا دارڤەکرنا نە رەوایا کۆمارا ترکیێ و دادگەھێن ئیستقلالێ دا شێخ سەعید و 47 ھەڤالێن وی یێن پێشەنگێن تەڤگەرا رزگاریخوازا نەتەوەیی یا کوردستانێ ل مەیدانا دەریێ «چیێ» یێ دیاربەکرێ ھاتن سێدارەدان.
ئیرۆ پۆلیسان د بەرنامە و داخویانیا چاپەمەنیایا کۆمەلەیا شێخ سەعید ڤە ھاتبوو رێکخستن دا رێ نەدان ئەندامێن مە پانکارتێن وێنەیێن شێخ سەعید و ھەڤرێیێن وی بلند بکن.
تەڤی کو 97 سالان ب سەر سێدارەدانا نە رەوایا شێخ سەعید و ھەڤالێن وی را دەرباس بوویە، لێ دەولەتا ترکیێ ھەتا نھا جھێ گۆرا وان ژ بۆ مالباتێن وان و گەلێ مە ئاشکەرا نەکریە. دەولەتا داگیرکەر کو جھێ دەفنکرنا شێخ سەعید و ھەڤالێن وی یێن 97 سال بەرێ شەھید بوونە ئاشکەرا ناکە، ناھێلە وێنەیێن شەھید سەعید و ھەڤالێن وی بێن ھلگرتن. دڤێ بێ زانین کو تێکۆشینا رزگاریا نەتەوی یا شێخ سەعید و ھەڤالێن وی شۆپینەرێن شێخ عوبەیدوللاھ و شێخ عەبدولسەلام بارزانی نە و بەردەوامێن وێ مراسا نەتەوەیی نە.
کۆمارا ترکیەیێ یا کو ب سەدان رەوشەنبیرێن کوردێن وێ سەردەمێ بەرزە کری و شێخ سەعید و ھەڤالێن وی ب ئاوایەکی ھۆڤانە سێدارە دای، دڤێ د زووترین دەم دا لێبۆرینێ ژ گەلێ کوردستانێ بخوازە و گۆرێن شێخ سەعید و ھەڤالێن وی یێن شەھیدێن شۆرەشێ نیشانی گەلێ کوردستانێ و مالباتێن شەھیدان بدە.
8 سال بەرێ د 29ێ خزیرانا 2014ێ دا د داخویانیا مەیا دامەزراندنێ دا وەکە جوانێنێن نەتەوەیی یێن کوردستانێ مە گۆت؛ ئەم میراتگرێن شێخ سەعید، جیبران خالد بەگ، یوسوف زیا بەگ، عەلی رزا بەگ، بەھادین بەگ، فایق بەگ، مەلە عەبدوڕەحمانێ شرنەخی، در. فواد، شێخ عەبدوللاھ، کامل بەگ، شێخ شەریفی نە و مە ب زەلالی دیار کربوو شێوازێ هزرکرنا شەھیدێن کوردستانێ شێوازێ هزرکرنا مەیە و ئەم دێ ھەر بەردەوام بین ل سەر وێ رێبازێ.
شێخ سەعید و روحا ھەموو شەھیدێن کوردستانێ دێ ب دەستکەفتیێن کوردستانی و ستاتویێن سیاسی یێن ل 4 پارچەیێن کوردستانێ شاد ببن. ئەم ھەموو شەھیدێن کوردستانێ، شێخ سەعید و رێھەڤالێن وی ب منەتداری ب بیر تینن.
جوانێن نەتەوی یێن کوردستانێ – CNK
