ئارتێشا ترکیێ و چەکدارێن سووری یێن سەر ب ترکیێ ڤە، 5 گوندێن شەهبایێ و گوندەکی منبجێ تۆپباران کرن، د ئەنجامێ دا 2 کەسان ژیانا خوە ژ دەست دان.
ل گۆری چاڤکانیێن خوەجهی ژ شەهبایێ، ئارتێشا ترکیێ و چەکدارێن ئۆپۆزسیۆنا سووریێ یێن سەر ب ترکیێ ڤە، ژ دوهـی چارشەمبیێ هەتا ئیرۆ پێنجشەمبێ 30 خزیرانێ، هەژمارەکا گوندێن هەرێما شەهبایێ ب دژواری تۆپباران کرنە.
هێزێن ترکیێ و کۆمێن چەکدار دوهی 29 خزیرانێ گوندێن نێرەبیە، زۆزانا، شەئالا و تل عەناب تۆپباران کرنە.
د نەجامێ دا زیانەکا مادی یا مەزن گههشتیە مال و ملکێ وەلاتیان.
ئارتێشا ترکیێ و کۆمێن چەکدار هەروها ئیرۆ 30 خزیرانێ گوندێ ئوم قورایێ ل هەرێما شەهبایێ تۆپباران کرن، ل گۆری ئاگاهیان زیان گههشتیه زەڤیێن گوندیان.
ل ئالیەکی دن، ئارتێشا ترکیێ و چەکدارێن سەر ب وی وەلاتی ڤە رۆژا چارشەمبێ 29ێ خزیرانێ خەتا سینۆری یا هەرێما منبجێ تۆپباران کرن.
هێزێن ترکیێ گوندێ عەرەب حەسەن ل باکورێ منبجێ ب گرانی دانە بەر تۆپان.
ناڤەندا راگههاندنا ئەنجوومەنا لەشکەری یا منبجێ راگههاندیە، د ئەنجاما تۆپبارانکرنا ئارتێشا ترکیێ و چەکدارێن گرێدایی وێ دا، ل گوندێ عەرەب حەسەن ل باکورێ منبجێ 2 وەلاتیان ژیانا خوە ژ دەست دانە.
