سەرۆکوەزیرێ هەرێما کوردستانێ مەسروور بارزانی، ئیرۆ 30ی خزیرانا 2022ێ، داخواز ژ وەزارەتا ناڤخوە یا هەرێما کوردستانێ کر، هەر چ جهێن فرۆتنا چەکان هەبن بگرن و هەر چ چەکەک بێمۆلەتە دەست ب سەر دە بگرن، ژ بۆ كو جارەکە دن نەبن گەف ل سەر ژیانا خەلکێ.
سەرۆکوەزیر مەسروور بارزانی د داخویانیەکێ دا راگه‌هاند: «من ئیرۆ داخواز ژ وەزارەتا ناڤخوە کر هەر چ جهێن فرۆتنا چەکان هەبن بگرن و هەر چ چەکەک بێمۆلەتە دەست ب سەر دا بگرن، ژ بۆ جارەکە دن نەبن گەف ل سەر ژیانا خەلکێ».
سەرۆکوەزیر مەسروور تەکەز کر: «ئەم ئەولەهیا گەل و وەلاتێ خوە ناکن قوربانی خراپکار، قاچاخچی و کەیسەبازان، داخواز ژ گەلێ کوردستانێ دکم، چ چەکێن بێ مۆلەت ل جەم وان هەبن، رادەستی حکوومەتێ بکن و ب خوە بەشداری پرۆسەیا پاککرنا کوردستانێ ژ چەکێن بێمۆلەت ببن، پشترە ل گۆر یاسا، بابەتا پرسا چەک دێ وەر برێکخستن».
هەر وها سەرۆکوەزیر مەسروور بارزانی گۆت: «داخواز ژ دادگەهان دکم د جبجیکرنا یاسایێ دا خەمسار نەبن و وان دلنیا دکم کو ب هەر ئاوایەکی پشتەڤان و هەڤکارێ وان دبن».
