نووچەیێن ساختە و بێ ئەخلاقانە یێن پەکەکێ ل دژی باشوور بەردەوامن

نووچەیێن ساختە و بێ ئەخلاقانە یێن پەکەکێ ل دژی باشوور بەردەوامن

مالپەرا پەکەکێ یا ب ناڤێ رۆژ نیوس یا کو ل سلێمانیێ وەشانێ دکە د چێکرنا نووچەیێن دەرەو ژ بۆ شەرمەزارکرنا ھەرێما کوردستانێ و پێشمەرگە بەردەوامە.

رۆژ نیوس کو ھەر رۆژ ھەری کێم 2 نووچەیێن ل دژی کوردستان و پێشمەرگەیان پارڤە دکە، جارەکا دن نووچەیەک ژ بۆ خاپاندنا گەلێ رۆژئاڤا چێکر. رۆژ نیوسێ د نووچەیا ب سەرناڤێ “کەلوپەلێن کو ئامەریکا ژ بۆ رۆژئاڤا دشینیت ژ ئالیێ پەدەکێ ڤە تێن دزین” دا ئاگاھیێن بێی چاڤکانی و نرخاندنێن بێ ئەخلاقانە بەلاڤ کرن.

شاهدێ ریڤی کوریا ریڤی یە

ل گۆری نووچەیا رۆژ نیوسێ، کەلوپەلێن کو ئامەریکا ژ بارەگەھا حەریرێ دشینە رۆژئاڤا، ژ ئالیێ ھێزێن گرێدایی پەدەکێ ڤە تێن دزین. ژ بەر ڤێ یەکێ ئامەریکایێ ب زمانەکێ توند ھشیاری دایە پەدەکێ. ل گۆر نووچەیا دەرەو و ساختەیا رۆژ نیوسێ کەسێ کو ئەڤ کەلوپەلە دزینە «وەیسی بارزانی» یێ کورێ مەسعوود بارزانی یە.

چاڤکانیا نووچەیێ نڤێسینا فەیسبۆکچیەکێ سلێمانیێ یە. رۆژ نیوسا دەرەوین، نڤیسینا دەرەو و ساختە یا کەسێ ب ناڤێ «دلشاد مەجید» کو ل سلێمانی دژیت و چالاکڤانەکێ یەنەکێ یە و کەسەکێ نێزیکی لاھۆر جەنگی یە وەکە چاڤکی بکار ئانیە. د گۆتارا «دلشاد مەجید» دا چاڤکانی تونەنە. ب گۆتنەکا دن، نووچەیێ دلشاد و رۆژ نیوسێ نووچەیەکە کو ل سەر میزەی هاتیە نڤیساندن و تەنێ ب ئارمانجا شەرمەزارکرنا پەدەکێ و خاپاندنا گەلێ کورد هاتیە نڤیساندن.

دارکا مازی کەشف کر

ل گۆری لێکۆلینا کو دارکا مازی ئەنجام دایە، دیار دبیت کو چ پەیوەندیەک د ناڤبەرا وێ نووچەیا ساختە و راستیێ دا نینە. ژ بەر کو ھێزێن ئامەریکی ل ھەر وەلاتەکی کو لێ بن، تەنێ لەشکەر و فەرمانبەرێن خوە ل بارەگەھێن خوە یێن لەشکەری ئەرکدار دکە. ئەو ب خوە ژی ھەموو ئالیکاری و ھتد.. کارێن ڤەگوھازتنێ دکە. دەما کو ئەو دخوازە کارەکی بکە ب تەنێ ھێزا ھەرێمی ئاگەهدار دکە. لێبەلێ، ترۆمبێل و فەرمانبەرێن ڤەگوھاستنێ ژی یێن ئامەریکایێ نە. ئەڤ یەک ل ھەر دەڤەرا کو بنگەھێن ئامەریکایێ لێ هەبن ھەیە، ئامەریکا ل هەر دەرێ ھەمان کار دکە.

ل ھەرێما کوردستانێ ژی ھەمان رەوش ھەیە. ئامەریکا تەنێ سازیا پێوەندیدارا ھەرێما کوردستانێ ئاگەهدار دکە کو دێ بارهەلگرێن خوە یێن ئالیکاری و ڤەگوھاستنێ دەرباس بکە. ژ بلی وێ چ ھێز تەڤلی پێڤاژۆیێ نابن. واتە چ چ راستی ژ بۆی ڤێ ئیدیعایا بێەخلاقانەیا رۆژ نیوسێ نینە.

رایەدارێ ھەرێما کوردستانێ: پەکەکە ھەموو ئالیکاریێن کو ئەم ددن وەکە نەفرەت ڤەدگەرینە

دەربارێ مژارێ دا دارکا مازی سەرەدانا سازیا پێوەندیدارا ھێزێن پێشمەرگەیێن ھەرێما کوردستانێ دا و گۆت، “ئەڤە نە نووچەیە، نە ئیدیعایە. ئەڤە ب تەنێ ھەولدانا ئافراندنا دەرەو و فەسادیێیە. گەر مەدیا نە خوەدی ئەخلاق بە، ئەو دێ پر مەترسیدار بە. ل ھەرێما کوردستانێ ژ سالا 2012یێ ڤە ھەتا نھا ب ھەزاران ئالیکاری ژ بۆ رۆژئاڤایێ کوردستانێ ھاتنە شاندن. هیچ یەک ژ ڤان ئالیکاریان ژ بۆ ئارمانجێن ریکلامێ نەھاتنە بکارئانین. ھەرێما کوردستانێ ئالیکاریا ژ بۆ رۆژئاڤا وەکە چاڤکانیەکا بدەستخستنا داھاتێ نەدیت. هەرێما کوردستانێ ئالیکاریا خەلکێ ل ور وەک ئالیکاریا گەلێ خوە دبینە. ھندەک ئالیکاری نەھێنی مان ژ بەر کو دڤیابوو نەھێنی بمینن.

ھەر وھا چاڤکانیا مە گۆت، ” رۆژ نیوس و رێڤەبەرێ وێ یێ ب ناڤێ جەمیل بایک ژ ھەر کەسێ چێتر دزانن کو بێیی پشتگریا هەرێما کوردستانێ ژ بۆ رۆژئاڤایێ کوردستانێ دەمەکێ درێژ بەریا نها دا رۆژئاڤا ببە تشتەکی رابۆری. میناک رۆژ نیوس جارەکێ ژ شاھین عەبدی دپرسە، دەما کو جەبهەت ئەل-نوسرە د سالا 2013ێ دا ئێریشی سەرێکانیێ دکر، کێ ژ بۆ وە گولە و رۆکەت شاندن؟ شاهین عەبدی د بەرسڤێ دە دبێژە؛ ھەلبەت ھەرێما کوردستانێ. ئالیکاریێن کو د دەما کۆبانیێ دا ھاتنە کرن بێ حەسابن. لێ ژ بەر کو پەکەکە نانکۆرە، ھەموو ئالیکاریێن مە ژ بۆ خوە وەک نەفرەت ل مە ڤەدگەرینە.”

پوستێن ھەمان بەش