قامشلۆ.. جوانێن شۆرەشگەر زارۆکەکا دی یا 14 سالی رەڤاند
رێخستنا جوانێن شۆرەشگەر یا سەر ب رێڤەبەریا خوەسەر یا گرێدای په‌كه‌كێ، ژ بەری 5 رۆژان زارۆکەکا 14 سالی ژ باژارێ قامشلۆ رەڤاند و مالباتا وێ ب ریا كه‌نالا كوردستان 24ێ بانگا ئاشکەرەکرنا چارەنڤیسا وێ دکن.
شێرزاد ئینز ژ كوردستان 24ێ رە راگهاند، رێخستنا جوانێن شۆرەشگەر خارزایا وی یا ب ناڤێ «غەزال محەمەد مەلا مەحموود» ژ بەری 5 رۆژان رەڤاندیە و ئەو برنە کامپەکا لەشکەری یا ب زۆری.
شێرزاد ئاماژە ب وێ کر، غەزال دەما ژ خولەکا خواندنێ یا پۆلا 9 ڤەدگەریا مالێ ژ ئالیێ جوانێن شۆرەشگەر ڤە هاتیە رەڤاندن.
دیار کر ژی، غه‌زال 25/1/2008 ژ دایک بوویە، بابێ وێ ژی ل ژیانێ نەمایە. هەتا نها چ ئاگاهی ل سەر وێ نینن.
شێرزاد ب رێیا ک24ێ بانگ ل رێخستنێن کو گرنگیێ دده‌ن مافێن زارۆکان، رێخستنێن ناڤدەولەتی و ئالیێن په‌یوەندیدار کر کو فشارێ ل رێڤەبەریا خوەسەر و هێزێن سووریەیا دەمۆکراتیک هه‌سه‌دێ بکن ژ بۆ كو چارەنڤیسا كه‌چا وان دیار بکن.
