دەریێ سێمالکا یێ د ناڤبەرا رۆژئاڤایێ کوردستانێ و باشوورێ کوردستانێ دا، د رۆژێن جەژنا قوربانی دا ب بریارا رێڤەبەریێ دێ هێته گرتن.
رێڤەبەریا دەریێ سێمالکا راگه‌هاند کو ژ بەر هاتنا جەژنا قوربانی، دەریێ سنۆری یێ سێمالکا، ژ رۆژا پێنجشەمبێ 7 تیرمەها 2022 هەتا رۆژا 13 تیرمەها 2022 دێ ژ بۆ کارێن بازرگانی، گەشتیاری و رێخستنێن مرۆڤی هێته گرتن.
دەریێ سێمالکا د ناڤبەرا باشوور و رۆژئاڤایێ کوردستانێ دا، ل سالا 2013 هاتیە ڤەکرن و رێیەکا سەرەکی و گرنگە ژ بۆ بازرگانی، ئابووری، هاتنوچوونا خەلکی و رێخستنێن مرۆڤی یێن سەر ب نەتەوەیێن یەکبوویی ڤە.
ب رێیا دەریێ سێمالکا كه‌لوپه‌لێن خوارنێ یێن سەرەکی وەک شەکر، برنج، ئار و هتد، هه‌روه‌ها مادەیێن ئاڤاکرنێ چیمەنتۆ و ئاسن دەرباسی رۆژئاڤایێ کوردستانێ دبن، ژ ئالیێ رۆژئاڤا ڤە ژی کەسێن کو ب نەخوەشیێن گران کەتنە دەرباسی باشوورێ کوردستانێ دبن.
