پەکەکە زیانێن جان ژ دەستدانا رێڤەبەر و ھێزێن خوە ڤەدشێرە

پەکەکە زیانێن جان ژ دەستدانا رێڤەبەر و ھێزێن خوە ڤەدشێرە

پارتیا کارکەرێن کوردستانێ (پەکەکە) ئامارێن کوشتیێن خوە و ب تایبەت ژی جان ژ دەستدانا رێڤەبەرێن خوە ڤەدشێرە و فەرماندارەکێ بەرێ یێ پەکەکێ ژی ئاماژە ب وێ یەکێ دکە کو پەکەکە ناخوازە ئامارێن کوشتیێن خوە ژ بۆ خەلکێ ئاشکەرا بکە.

پەکەکە وەکی کو ئامارێن کوشتیێن خوە ڤەدشێرە، پشتی راگەھاندنا ترکیێ کو دبێژە ئەوقاس رێڤەبەر و ئەندامێن پەکەکێ ھاتنە کوشتن، پەکەکە ئاماران بەلاڤ دکە.

ڤێ دەربارێ دا فەرماندارەکی بەرێ یێ پەکەکێ یێ ب ناڤێ «مەحموودێ رەش» راگەھاند: “بەلێ پەکەکە ئامارێن کوشتنا رێڤەبەرێن خوە ژ خەلکێ ڤەدشێرە و بەشەک ژ رێڤەبەرێن وێ ھاتنە کوشتن و ھەتا ناھا ژی بەحس ناکن.”

ھەروھا گۆت: “بەشەکێ پرانیا وێنە و ڤیدیۆیێن وان گەریلایان بەلاڤ دکن کو ھاتنە کوشتن و ئەو وێنە و ڤیدیۆیێن بەری 2-3 سالانن. ناخوازن راستیا خوە ژ بۆ خەلکێ ببێژن و بەشەک ژ کوشتیان یێن وان مالباتانن کو ب زۆرێ برنە قەندیلێ، یان ژی رەڤیانە، ژ بۆ کو نەرازیبوون ل دژی پەکەکێ چێنەبە وان ئاماران بەلاڤ ناکن.”

مەحموودێ رەش گۆت: “ئەڤ سیاسەتا کرێت بوویە سەدەم نیگەرانی ناڤ خەلکێ دا چێبە. بەشەک ژ پرانیا وان کەسێن دچن ناڤ پەکەکێ دا، پشترا وندا دبن، گەلەک گومان چێبوونە، کو بەشەک ژ وان ھاتنە کوشتن و بەحس ناکن. بەشەک ژی وندا نە و چارەنڤیسا وان نەدیارە.”

پوستێن ھەمان بەش