ئیستخباراتا ده‌وله‌تا تركیێ یا ب ناڤێ «میت» کوشتنا بەرپرسەکا پایه بلند یا رێخستنا په‌كه‌كێ ل هه‌رێما کوردستنێ راگه‌هاند.
دەزگەها هەوالگیریێ یا ترکیێ راگهاند، د ئۆپەراسیۆنەکێ دا ل چیایێ گاره،ئەنداما جڤاتا سەربازی یا هێزێن پاراستنا گەل هه‌په‌گێ و یه‌كینه‌یێن ژنێن ئازاد «یژا – ستار» خانم دەمیرا ب كۆدناڤێ بەرفین نورهاق هاتیە کوشتن.
دەمیر خانم کی یە؟
خانم دەمیر ل سالێن نۆتان تەڤلی په‌كه‌كێ بوویه، ل سالێن 2000 دا دەرباسی قەندیلێ ببوو و د ناڤا رێخستنێ دا بلەز رابوو، ل سالا 2014 دا وەکە بەرپرسیارا «یژا – ستار»ێ دەرباسی شەنگالێ بوو، ل سالا 2017 دا بوو ئەنداما مەجلیسا رێخستنا ژنان یا رێخستنێ.
خانم دەمیر کو د ناڤا رێخستنێ دا ئەرکێن گرنگ وه‌رگرتبوون، ل سالا 2018 بوو سەرۆکا رێڤەبەریا هەرێمێن پاراستنێ یێن مەدیایێ، ل سالا 2019 بوو ئەنداما دەستەیا رێڤەبەرا «یژا – ستار»ێ و پشتره بوو ئه‌نداما كۆنسه‌یا هه‌په‌گێ.
