زێرەڤانی: ھێزێن مە راستی چ ئێرشەکێ نەھاتنە

ئەفسەرەکی ھێزا زێرەڤانی یا پێشمەرگە راگەھاند، چ ئێرشەک ل دژی ھێزێن زێرەڤانی نەھاتیە کرن.

ئیرۆ ھاتبوو بەلاڤکرن کو بارەگەھا ھێزێن زێرەڤانی ل دەڤەرا خازر ل دەشتا نەینەوا راستی ئێرشا مووشەکی ھاتیە و چەند پێشمەرگە ژی شەهید بوونە.

لێ ئەفسەرەکێ زێرەڤانی ب ناڤێ «ھاوار حەمە رەشید» ل سەر ڤێ یەکێ راگهاند، ئەو نووچە و زانیاری راست نینن و چ ئێرشەک ل دژی ھێزێن زێرەڤانی نەھاتیە کرن و چ پێشمەرگەیەک ژی نەبوویە قوربانی.

وی ئەفسەرێ پێشمەرگە ھەر وھا گۆتیە، دەنگێ وێ تەقینا کو ھاتیە بھیستن ژی، دەنگێ تەقاندنا پاشماھیێن داعشێ بوو کو ل گوندێ «تل ئەسوەد» ل دەڤەرا خازر ژ ئالیێ ھێزێن پێشمەرگە ڤە ھات تەقاندن.