جیگرێ دویەمێ سەرۆکێ پارلامەنتۆیا ئیراقێ ئاشکەرا کر، ئەو نڤیس ھاتیە ھلوەشاندن کو ژ بۆ بێبەش کرنا وان مالباتێن کورد ھاتبوو دەرخستن کو خانیێن وان نە تاپۆ نە.
ئیرۆ 4/7/2022یێ جیگرێ دویەمێ سەرۆکێ پارلامەنتۆیا ئیراقێ شاخەوان عەبدوللا کو سەر ب پەدەکێ یە، د تۆرا خوەیا جڤاکی یا فەیسبۆکێ دا بەلاڤ کر: “پشتی کو نڤیسا پارێزگەرێ کەرکووکێ یێ ب وەکالەت گەھەشتیە دەستێ مە، کو ژ بۆ بێبەش کرنا وان مالباتێن کورد، کو مالێن وان نە تاپۆ نە و فۆرما خۆراک و کارتا نشتەجیھبوونێ دڤێ بێ ھلوەشاندن، راستەراست ئەم ھاتن سەر خەت.”
ھەروھا ئاشکەرا کر: “ئەو نڤیس ھاتیە ھلوەشاندن و ب چ ئاوایەکێ کار پێ نایێ کرن.”
بەری ناھا پارێزگەرێ سەپاندی راکان جبووری ب نڤیسەکی راگەھاندبوو، لژنەیەک پێکانیە ژ بۆ دووڤچوونێ ل سەر کارتا زانیاریا نشتەجیھبوونێ ل کەرکووکێ بکە، کو ژ بۆ وان ئاشکەرا ببە ئەوێن کو ل کەرکووکێ نشتەجیھن و ئەوێن کو ل دەرڤەیی کەرکووکێ نە و کارتا وان کەسێن دەرڤەیی کەرکووکێ دێ هێت ھلوەشاندن و فۆرما وانا خۆراکێ ژی دێ بێ ھلوەشاندن.
ئەڤ پێنگاڤا پارێزگەرێ سەپاندی یێ کەرکووکێ وەک سیاسەتا عەرەب کرنێ یا ھەری مەترسیدار دھاتە پێناسە کرن، کو ب دەھان ھەزار ھەموەلاتیێن کورد ل کەرکووکێ، ژ بەر رەوشا خرابا ئەولەھیا پارێزگەھێ، یان ژی ژ بەر ھەر سەدەمەک دن بە، کو کارتا وانا زانیاریێ یا کەرکووکێ یە، لێ کۆچبەر بوونە و ل ھەرێما کوردستانێ نشتەجیھبوونە، ل گۆر وێ بریارا پارێزگەرێ سەپاندی یێ کەرکووکێ دا کارتا وانا زانیاریێ ژ وان هێت ستاندن.
