ب بریارا وەزارەتا ناڤخوە یا ترکیێ، 3 تاخێن دیاربەکرێ ژ بۆ نشتەجیبوونا پەنابەر و بیانیان ھاتن قەدەغەکرن.
ل گۆر داخویانیا وەزارەتا ناڤخوە، ل ترکیێ ژ 1ێ تیرمەھێ ڤە، 781 تاخێن دن ژ بۆ نشتەجیھبوونا بیانی و پەنابەران ھاتن قەدەغە کرن و ب ڤێ بریارێ ژی ھەژمارا تاخێن کو ژ بۆ بجیھبوونا بیانیان ھاتنە قەدەغە کرن، گھشتن 1169 تاخان.
ل دیاربکرێ ژی تاخێن «کاراجک و کاراپنار» یێن سەر ب ناڤچەیا «بسملێ» ڤە و تاخا «چۆبانتەپە» یا سەر ب «سیلڤانێ» ڤە ژ بۆ بجیھبوونا بیانی و پەنابەران ھاتنە قەدەغەکرن
ل ترکیێ بریارنامەیەک ھاتیە دەرخستن کو نابە ھەژمارا پەنابەر و کەسێن بیانی ژ %25ێ وەلاتیێن ترکیێ دەرباس بکە و ب ڤێ مەبەستێ ژی تاخ و دەڤەرێن کو گھشتبن وێ ھەژمارێ، ژ بۆ نشتەجیھبوونا بیانیان تێن قەدەغەکرن.
