مێردین.. ئۆپەراسیۆنا ئەرەن- دۆرپێچ دژی په‌كه‌كێ دەستپێکر

ئارتێشا تركیێ ئیرۆ ل مێردینێ یا باكورێ كوردستانێ، ئۆپەراسیۆنا ب ناڤێ «ئەرەن دۆرپێچ-20» ل دژی چه‌كدارێن په‌كه‌كێ ده‌ستپێكر.

ل گۆر داخویانیا وەزارەتا کارێن ناڤخوە یا تركیێ، ئیرۆ رۆژا سێشه‌مبی 5/7/2022ێ ل سینۆرێ مێردینێ «ئۆپەراسیۆنا ئەرەن دۆرپێچ -20» ل دژی چه‌كدارێن رێخستنا په‌كه‌كێ هاتییه‌ ده‌ستپێكرن.

د ئۆپەراسیۆنێ دا كو فەرمانداریا جەندرمەیان یا باژارێ مێردینێ سەرکێشی کر، 679 عه‌سكه‌ر ،جەندرمەیێن قۆماندۆ و گوندپارێز تێده‌ به‌شدار بوون.

پشتی بداویبوونا ئۆپەراسیۆنێن زڤستانێیێن ب ناڤێ زنجیرە ئۆپەراسیۆنێن «ئەرەن» کو هەتا ئەرەن-34 بەردەوام بوون، ڤێ جارێ وەزارەتا ناڤخوە یا ترکیێ ب هنجەتا شەرێ ل دژی پککێ زنجیرە ئۆپەراسیۆنێن بهار و هاڤینێیێن ب ناڤێ ئەرەن دۆرپێچ  دانە دەستپێکرن.