چه‌ته‌یێن په‌كه‌كێ یێن ب ناڤێ جوانێن شۆره‌شگه‌ر كو ل رۆژئاڤا كوردستانێ كارێ ره‌ڤاندنا زارۆكان و ترساندنا گه‌ل ژ بۆی په‌كه‌كێ ئه‌نجام ددن، كه‌چه‌كا دن یا 14 سالی ره‌ڤاند و برن سه‌ربازگه‌هێن ب زۆر.
رێخستنا جوانێن شۆره‌شگه‌ر كو ل ژێر فه‌رمانێن راسته راست یێن جه‌میل باییك و چاڤدێریا شاهین چیلۆ ل رۆژئاڤا كوردستانێ ته‌ڤ دگه‌ره، زارۆكه‌كه دن ژ باژارۆكێ گركی لگی یێ سه‌ر ب دێركا رۆژئاڤا كوردستانێ ره‌ڤاند و برن سه‌ربازگه‌هێن ب زۆر یێن هه‌سه‌دێ و یه‌په‌گێ.
ل گۆری ئاگاهیێن ده‌ستێ مه، ئه‌ڤ كه‌چ ب ناڤێ سیماڤ محه‌مه‌د زه‌كی مسته‌فایه، ته‌من 14 سالی یه وه‌ختا ئه‌و ژ دبستانێ ڤه‌دگه‌ری مالێ كو خوله‌كه په‌روه‌ردێ یا پۆلا نه‌هێ هه‌بوو، چه‌ته‌یێن جوانێن شۆره‌شگه‌ر ره‌ڤاندن.
هێژای گۆتنێ یه، به‌ریا چه‌ند رۆژان ژی چه‌ته‌یێن په‌كه‌كێ كه‌چه‌كا دن یا 14 سال ب ناڤێ «غەزال محەمەد مەلا مەحموود» ژ باژارێ قامشلۆ ل سه‌ر رییا دبستانێ ره‌ڤاندبوو.
