کاروانەکێ دویهمین: د دەریێ لەشکەری یێ «عهین بەیدا» ل گوندەوارێ رۆژئاڤایێ ئدلبێ دەرباسی ناڤ ئاخا سووریێ بوو و ل خالێن ترکیێ یێن کو ل گوندەوارێ رۆژهلاتێ ئدلبێ و رۆژئاڤایێ حهلهبێ ب جیهـ بوو.
كاروانێ سێیهمین: دوهی د دەریێ سینۆری یێ «ئەل-راعی» را دەرباسی گوندەوارێ حهلهبێ بوو و ل خالێن ترکیێ یێن هەرێما ئۆپەراسیۆنا «مەرتالا فراتێ» ب جیهـ بوو.
كاروانێ چارهمین: دوهـی د دەریێ سینۆری یێ «حەمامێ» یێ ل ناڤچەیا جندرێسێ یا ل رۆژئاڤایێ عەفرینێ را دەرباسی گوندەوارێ باشوورێ عەفرینێ ل نێزیكی خەتێن تهماسێ یا ل گهل هێزێن ههسهدێ و رهژیما سووریێ ب رێ كهت.
ل گۆر زانیاریێن رەوانگەهێ، کاروانێن ترکیێ یێن دەرباسی گوندەوارێ حهلهب و عەفرینێ بوونە، ژ گەلەک تانک، ئۆتۆمبیلێن زریپۆش، تۆپخانە، رۆکێت هاڤێژ، تانکەران و وەساییتێن دن یێن لەشکەری پێك دهاتن.
دەرباسبوونا ڤان هێزێن ترکیێ د دەمەکێ دا یە، ئارتێشا ترکیێ گەفا دەستپێکرنا ئۆپەراسیۆنەکا لەشکەری ل تل رفعەت (باکورێ حهلهبێ) و منبجێ (رۆژهلاتێ حهلهبێ) دكهت.
