رێڤەبەریا خوەسەرا ل رۆژئاڤایێ کوردستانێ ژ بەر گەفێن بەردەوامێن ترکیێ و ئارمانجکرنا سڤیلان و ژێرخانەیێ ب ھەموو جورەیێن چەکان، رەوشا ئاوارتە ژ بۆ ھەموو ھەموو ھەرێمێن رێڤەبەریا خوەسەر راگھاند.
ھەڤسەرۆکاتیا گشتی یا رێڤەبەریا خوەسەر ئیرۆ 6ێ خزیرانا 2022یێ د داخویانیەکێ دا راگھاند، ژ بەر بەرژەوەندیا گشتی گەفێن بەردەوامێن ترکیێ، ئارمانجکرنا سڤیلان و ژێرخانەیێ ب ھەموو جورەیێن چەکان و نیازا وێ یا داگیرکرنا خاکا سووریێ، ب ئارمانجا گوھارتنا دەمۆگرافیا ھەرێمێ و کۆچبەرکرنا سڤیلان، جڤینەکا ئاوارتە ھاتە کرن و ھن بریار ھاتن دایین.
– راگھاندنا رەوشا ئاوارتە ل سەرانسەری باکورێ رۆژھلاتێ سووریێ.
– ژ ھەموو ئەنجوومەن، کۆمیتە و سازیێن رێڤەبەریا خوەسەر تێ خواستن پلانا ئاوارتا ژ بوو رووبرووبوونا گەف و رکبەریان ئامادە بکن.
– ھەموو شیان بکەڤن خزمەتا گەل ژ بۆ رووبرووبوونا ھەر ئێریشەکێ ل سەر ھەرێمێن رێڤەبەریا خوەسەر و دڤێ پرۆژەیێن پێشینەیێ ئەنجوومەنێن جبجیکارێن رێڤەبەریا خوەسەر، ژ بۆ رووبرووبوونا ڤان گەفان بن.
