فەرماندارەکێ پایە بلند یێ پەکەکێ کو ناڤێ وی د لیستا سۆر یا ترکیێ دا بوو د ئۆپەراسیۆنەکا لەشکری دا ل باکورێ کوردستانێ هاتیە کوشتن.
ل گۆر مەدیایا فەرمی یا دەولەتا ترکیێ، پشتی کو یەک ژ ئەندامێن پەکەکێ د ئۆپەراسیۆنا «ئەرەن-ئابلوکا 2یێ» دا ل دەڤەرا ھەکاریێ تەسلیم بووبوو، د دانپێدانێن خوە دا دەستنیشان کریە کو «ردوان ئالکان» یێ ب کۆدناڤێ «باگەر ئەردال» کو د لیسەتەیا سۆر دا لێگەرینا وی ھەبوو د ئۆپەراسیۆنێن ئاسایشا ناڤخوەیی یا ترکیێ دا ھاتیە کوشتن. لێبەلێ ژ بۆ کو ئەڤ یەک د ناڤا رێخستنێ دا نەبە سەدەما بەلاڤبوونا ترسێ، ھاتیە ڤەشارتن.
ھەروھا د ئیفادەیا خوە دا ڤی ئەندامێ پەکەکێ کو تەسلیمی دەولەتا ترکیێ بوویە ئاشکەرا کر «باگەر ئەردال» 1 ژ وان ھەر 8 گەریلایێن پەکەکێ بوو یێن د ئۆپەراسیۆنا لەشکرێ ترکیێ یا ل دەڤەرا ھەکاریێ کو 19ێ تەباخا 2021ێ ل دار خست بوو دا، ھاتبوون کوشتن.
