” تۆلا شەھیدێن گوندێ خدرجیجە یێ مەخموورێ ھات ھلدان”
ئەنجومەنا ئاسایشا ھەرێما کوردستانێ راگەھاند، تۆلا وان پێشمەرگە و سڤیلێن کو د ئێرشا داعشێ دا ل گوندێ خدرجیجە یێ مەخموورێ شەھید ببوون، ھات ھلدان.
ئەنجومەنا ئاسایشا کوردستانێ ڤێ ئێڤارێ راگەھاند، ھێزێن وان ب ھەماھەنگی لگەل ھێزێن ھەڤپەیمان و ھێزێن ئیراقی کارین شەڤا 5ێ ڤێ مەھێ د ئۆپەراسیۆنەکا تایبەت دا، کو وەک ئۆپەراسیۆنا تۆلھلدانێ ھاتبوو بناڤکرن، 4 تەرۆریستێن داعشێ بکوژن کو دەستێ وان د ئێرشا گوندێ خدرجیجە یێ مەخموورێ و شەھیدکرنا 10 پێشمەرگەیێن کوردستانێ و 3 برایێن سڤیل دا ھەبوونە.
ئەنجومەنێ دا زانین ژی، پشتی دووڤچوونێن ھوور تۆھمەتبارەک ب ناڤێ «ق.ی.ئ.ھ» ژی ھات گرتن و ل وێ یەکێ موکر ھات کو د ئێرشا گوندێ خدرجیجە دا ئالیکاریا تەرۆریستان کریە.
شەڤا 2یێ کانوونا سالا 2021ێ، تەرۆریستێن داعشێ ئێرشی گوندێ خدرجیجەیێ مەخموورێ کرن. د وێ ئێرشێ دا 10 پێشمەرگە و 3 سڤیل ھاتن شەھیدکرن کو ھەر سێ سڤیل برایێن ھەڤ بوون.
ناڤەرۆکا داخویانیا ئەنجومەنا ئاسایشا کوردستانێ وھایە:
