پارتیا کارکەرێن کوردستانێ، سەدەما تێکچوونا خوە یا ل هەرێما کوردستانێ خستە ستوویێ هەڤسەرۆکێ باسکێ خوە یێ «تەڤگەرا ئازادی یا جڤاکا کوردستانێ».
ل گۆر زانیاریێن BasNews، رۆژا ئینێ 15/7/2022ێ په‌كه‌كێ بێی بەرچاڤگرتنا مەترسیێن بەردەوام یێن ل سەر سینۆرێ سلێمانیێ، جڤینەک ژ بۆ نرخاندنا شکەستێن «تەڤگەرا ئازادی» ساز كر ب تایبەتی د مژارا شكه‌ستێن د هلبژارتنێن پارلەمەنتۆیێ دا كو ت به‌ربژاره‌كی وان نكاری سه‌ربكه‌ڤه.
BasNews به‌لاڤكر كو 12 ئەندامێن سەرکردایەتیا تەڤگەرا ئازادی و هەڤسەرۆکێ تەڤگەرا ئازادی یێ ب ناڤێ محەمەد عەبدوللا ژ پۆستێ وان هاتنە دوورخستن و ل شوونا وان کەسەکی ب ناڤێ سەلام عەبدوللا هاتیە دانین.
ل گۆری ئاگاهیان، په‌كه‌كه پرانیا شکەستنێن خوە خستنە ستوویێ بەرپرسێن بەرێ یێن تەڤگەرێ، لێ چاڤدێر د وێ باوەریێ دە نە کو په‌كه‌كه ل هەرێما کوردستانێ ب تەمامی تێکچوویە و زێدەتری 30 سالە هەول ددە کو د ناڤ گەلێ کورد دە جهەکێ بدەست بخە و ناڤێن جوربەجور ئافراندنە و د هەموویان دە ژی تێک چوویە.
ئەندامێ سەرکردایەتیا یه‌نه‌كێ مەلا شێخ ژ BasNews رە گۆت، دەما په‌كه‌كه د کارەکی ستراتەژیک دە بسەرنەکەت، بلا کۆنگرە یان ژی کۆنفەرانسەکی ژ بۆ پێداچوونا کارێ خوە ل دار بخە، لۆما په‌كه‌كه ل كو ده‌را شكه‌ستنێ بخوه سه‌ركردایه‌تیا پارتیێن نێزی خوه د گوهه‌رینه، ته‌ڤگه‌را ئازادی ژی شكه‌ستن د هلبژارتنێن پارلەمەنتۆیێ ده خواریه.
