ژێدەرەکی ئەولەهیێ یێ ترکیێ راگهاند، ئیستخباراتا ترکیێ (میتێ) سەرکردەیه‌كێ په‌كه‌كێ ل چیایێ گاره‌ی یێ هەرێما کوردستانێ کوشتیه كو ب «عزه‌ددین ئینان» تێ ناسكرن.
ژێدەرەکی ئەولەهیێ ئیرۆ یەکشەمێ ژ ئاژانسا «ئانادۆلو» یا تركیێ ره راگهاندن، میتێ سەرکردەیێ د په‌كه‌كێ دە یێ ب ناڤێ عزه‌ددین ئینان ب كۆدناڤێ «دێرسمێ مەلەتیێ» ل چیایێ گاره‌ی یێ ل دهۆکێ کوشتیە.
دا زانین ژی، ده‌ما كو ئه‌ڤ به‌رپرسێ په‌كه‌كێ د جڤینه‌كێ ده ل گه‌ل هنه‌ك چه‌كدارێن په‌كه‌كێ ده بوو، هات ئارمانجکرن و ئەو و چەکدارێن ل گه‌ل هاتنە کوشتن.
ل گۆر وێ ئاژانسێ، عزه‌ددین ئینان رێڤەبرێ پایەبلندێ په‌كه‌كێ، بەرپرسێ ئاکادەمیێن ئاپۆلۆیێ و ئەندامێ کۆنسەیا په‌كه‌كێ/هه‌په‌گێ یه.
هات گۆتن کو ئینان د 1992ێ دا تەڤلی په‌كه‌كێ بوویە، ل ئیراقێ و سووریێ بەشداری چالاکیان بوویە، فەرمانێن هن ئێریشێن ل دژی هێزێن ئەولەهیێ یێن ترکیێ ژی دایە.
هات راگهاندن کو عزه‌ددین ئینان د سالا 1992ێ دە تەڤلی په‌كه‌كێ بوویە و د شوونا یەک ژ رێڤەبەرێن پایەبلندێن په‌كه‌كێ یێ ب ناڤێ خەلەف ئەل محەمەد ب كۆدناڤێ «سۆفی نوره‌ددین» دە جهـ گرتیە کو سالا پار د ئۆپەراسیۆنەکا میتێ و هێزێن چەکدارێن ترکیێ دە هاتبوو کوشتن.
