ھێزێن رەژیمێ ل دەڤەرێن د بن دەستھلاتا ھەسەدێ دا بجھ بوون

ھێزێن رەژیمێ ل دەڤەرێن د بن دەستھلاتا ھەسەدێ دا بجھ بوون

ل گۆر زانیاریێن رەوانگەھا سووری یا مافێن مرۆڤان بەلاڤ کری، کاروانەک ژ ھێزا ئارتێشا سووریێ کو ژ نێزی 250 لەشکەر، 5 تانک و گەلەک چەکێن گرانێن دن پێک دھات چوونە دەڤەرا عەین عیسا کو د بن دەستھلاتا ھەسەدێ دایە.

ل گۆر ھەمان ژێدەر، ئارتەشا رەژیمێ ب رێیا منبجێ بەر ب ھەرێمێن عەین عیسا ڤە ل باکورێ رەقایێ ب رێ کەت و ھێزێن رێژیمێ ل ھەمبەر ھەرێمێن د بن کۆنترۆلا ترکیێ و کۆمێن چەکدارێن گرێدایی وێ دا بەلاڤ بوو.

د دەما جھبوونا ھێزێن ئارتێشا سووریێ ل وان دەڤەران دا، ھەلیکۆپتەرەکا رووسی ل ئاسیمان چاڤدێریا رەوشێ دکر.

رەوانگەھێ بەلاڤ کر ژی، ھێزێن رەژیمێ پێگەھێن خوە ب چەک و شەرڤانان ل ئەنیێن شەرێن ل گوندەوارێ تل تەمرێ ل باکورێ رۆژئاڤایێ حەسەکێ ل ھەمبەر کۆمێن چەکدارێن سەر ب ترکیێ ڤە ژی بھێز کرن.

پشتی گەفێن ترکیێ یێن دەستپێکرنا ئۆپەراسیۆنەکا نوو ل تل رفعەت و منبجێ، بەرپرسێ ناڤەندا راگھاندنێ یا ھەسەدێ فەرھاد شامی راگھاندبوو کو د ناڤبەرا ھەسەدێ و ئارتێشا سووریێ دا تێگھیشتنەکا لەشکەری ژ بۆ رووبرووبوونا ھەر ھەولەکا داگیرکرنێ یا ترکیێ چێبوویە.

دیار کر ژی، د چارچۆڤەیا وێ تێگھیشتنێ دا ژی، دێ ھێزێن رێژیما سووریێ ھەرێمێن ھەسەدێ یێن ل باژارۆکێ عەین عیسا، دەردۆا باب، منبج و کۆبانێ ب جھ ببن.

ھەر وھا پێر ژی، فەرماندارێ گشتی یێ ھێزێن سووریا دەمۆکراتیک (ھەسەدێ) مەزلووم عەبدی راگھاند، ل ھەمبەر گەف و ئێریشێن ترکیێ، ھێزێن ئارتێشا سووریێ ل کۆبانی و دەڤەرێن سینۆری یێن رۆژئاڤایێ کوردستانێ ھاتنە بجھکرن.

پوستێن ھەمان بەش