سەرۆکێ لژنەیا خزمەت و ئاڤادانیێ ل پارلامەنتۆیا ئیراقێ راگەھاند، نکارن ئارامی و ئاڤادانیێ ل شنگالێ دابین بکن، ژ بەر کو ھەبوونا پەکەکێ ناھێلە چ پرۆژەیەک ل وی باژاری جێبەجێ ببە.
سەرۆکێ لژنەیا خزمەت و ئاڤادانیێ ل پارلامەنتۆیا کوردستانێ مەحما خەلیل راگھاند: “زێدەتر ژ 300 ملیار دینار ژ بۆ ئاڤەدانیا شنگالێ ھاتینە جودا کرن، لێ ئەو پارە تێرا ئاڤەدانیا وی باژاری ناکە. ل گەل وێ ژی پەکەکە رێگریێ دکە کو ئاڤادانی بگەھە شنگالێ و بوویە سەدەم جینۆساید ل شنگالێ ھەر بەردەوام بکە.”
ھەروھا گۆت: “بەغدا دەربارێ دۆسیەیا شنگالێ دا گەلەک خەمسارە، ژ بەر وێ خەمساریا بەغدایێ، کۆچبەر د گەرمێ و سەرمایێ دا ل کامپان د بن چادران دا مانە، ئەڤ بوو 8 سال ئیراق نەکاریە ئارامی و ئاڤادانیێ ژ بۆ شنگالێ دابین بکە.”
سەرۆکێ لژنەیا خزمەت و ئاڤادانیێ ل پارلامەنتۆیا ئیراقێ گۆت: “مایینا پەکەکێ ل شنگالێ بوویە سەدەما بەردەوامبوونا جینۆسایدێ ل شنگالێ و ل سەر خەلکێ وێ. ژ بەر کو پەکەکە بوویە رێگر ژ بۆ ڤەگەراندنا کۆچبەران و گەھاندنا خزمەتێ. دەستێ ئاڤادانیێ ناگەھە شنگالێ و رێ ژی نادە ئارامی ڤەگەرە شنگالێ.”
