پارێزگاریا دێرسمێ، کۆنسەرێن «گروپ یۆروم و گروپ ئیسیان ئاتەشی» یێن د چارچۆڤەیا بیستەمین فەستیڤالا چاند و خوەزایێ یا مونزورێ دا قەدەغە کرن.
ل پارێزگەھا دێرسمێ یا باکورێ کوردستانێ، د ناڤبەرا 21-24ێ تیرمەھێ دا بیستەمین فەستیڤالا چاند و خوەزایێ یا مونزورێ تێ لدارخستن.
ناڤەرۆک و بەرنامەیێن فەستیڤالێ ژی بەری چەند رۆژان ھاتبوون ئاشکەراکرن.
پارێزگاریا دێرسمێ، ئیرۆ ١٨ێ تیرمەھێ ب نڤیسەکا فەرمی شارەداریا دێرسیمێ ئاگاھدار کر، کو کۆنسەرێن گروپ یۆروم و گروپ ئیسیان ئاتەشی یێن د چارچۆڤەیا فەستیڤالێ دا ھاتنە قەدەغەکرن. پارێزگاریێ ھەروھا، مەشا کو دێ ژ کۆلانا ھونەرێ ھەتا قادا سەیید رزا ب ئارمانجا ل دژی تێکچوونا جڤاکێ بھاتا کرن ژی قەدەغە کر.
پارێزگاریا دێرسمێ، داخوازێن کۆمیتەیا برێڤەبرنا فەستیڤالێ یێن بۆ بکارئانینا ستادیوومان بۆ کۆنسەران و بەشێن ناڤخوەیی بۆ مێڤانداریا مێڤانان ژی قەبوول نەکرن.
پشتی قەدەغەیێن پارێزگاریێ، دێ ئیشەڤ 19ێ تیرمەھێ کۆمیتەیا برێڤەبرنا فەستیڤالێ بجڤە و دەربارێ کرن یان نەکرنا فەستیڤالێ دا بریارەکێ بدە.
