شێورمەندێ پلەبلندێ سەربازییێ بریتانیایێ و رێڤەبەریا ته‌ڤگه‌رێن لەشکەری ل وەزارەتا پێشمەرگە، لەزکرنا پێنگاڤێن پرۆسەیا چاکسازیێ د ناڤ رێزێن هێزێن پێشمەرگە دە گۆتووبێژ کرن.
ئیرۆ سێشەمی 19/7/2022، لیوا شوان حه‌مه غەریب رێڤەبەرێ تەڤگەرێن لەشکەری یێ ل وەزارەتا پێشمەرگە، پێشوازیا کۆلۆنەل رۆب درایڤەر شێورمەندێ بلندێ لەشکەرییێ بریتانیا و شاندا پێ رە کر.
د جڤینێ دە بەهسا پرۆسەیا چاکسازیێ یا وەزارەتا پێشمەرگە هات کرن و بلەزکرنا پێنگاڤێن پرۆسەیێ ب گرینگ هات نرخاندن.
ژ بۆ پێشدەبرنا فەرمانداری و کۆنترۆلکرنا د ناڤا هێزێن پێشمەرگە دە، مژارا چێکرنا دو فرقەیان ژ بۆ هێزێن پێشمەرگە هات گۆتووبێژکرن.
هەروەسا شاندا مێڤان تەکەز ل سەر وێ یەکێ کر کو بریتانیا ژ بۆ پێشدابرن و بهێزکرنا هێزێن پێشمەرگە دێ بەردەوام بن ل سەر هەڤکاری کرنا وەزارەتا پێشمەرگە.
