په‌یه‌دێ كادره‌كێ دن یێ ئیستخباراتا خوه ته‌سفیه كر
پارتیا یه‌كیتیا ده‌مۆكراتیك په‌یه‌دێ، باسكێ په‌كه‌كێ یێ رۆژئاڤا كوردستانێ، ته‌وانه‌كه دن ئا تاسفیه‌كرنێ ئه‌نجام دا، پشتی كو ل رۆژێن رابووری كادرۆیه‌كێ خوه یێ هێزا تایبه‌ت ئا ئیستخباراتا پارتیێ تاسفیه كری.
چاڤكانیێن تایبه‌ت یێن پێگه‌ها «داركا مازی» ل رۆژئاڤا وه‌لات ئه‌شكه‌ره كرنه، ئیستخباراتا په‌یه‌دێ ل مه‌ها رابووری كادرۆیه‌كێ خوه یێ ب ناڤێ «گاڤار ئامه‌د» كو ئه‌ندامێ ئیستخباراتا پارتیێ و هێزا وێ یا تایبه‌ت بوو، ل تل كۆچه‌را ناڤچه‌یا دێركێ كوشتیه و جه‌سه‌دێ وی ئاڤێتن نێزی كێلگه‌هێن په‌ترۆلا رمێلانێ.
ده‌ستنیشان كر، جه‌سه‌دێ «گاڤار» یێ ئه‌ندامێ یستخباراتا په‌یه‌دێ ل رۆژا 4 خزیرانا 2022ێ ل نێزی كێلگه‌هێن په‌ترۆلێ یێن رمێلانا ناڤچه‌یا دێركێ هات دیتن، پشتره بۆ عه‌دلیا داد یا نه‌خوه‌شخانه‌یا دێركێ هات ڤه‌گوهه‌ستن.
چاڤكانیێن پێگه‌ها «داركا مازی» ئاگاهی ده‌ربارێ كوشتنا ڤی كادرۆیێ ئیستخباراتا په‌یه‌دێ ده‌ست خستنه، ل گۆری وان ئاگاهیان په‌یه‌دێ مژارا كوشتنا «گاڤار» كو ژ باكورێ كوردستانێ یه و ناڤێ داییكا وی ئامینه یه ڤه‌شارتی هشتیه و ئه‌و دخوازه ل رۆژێن پێش مه وی وه‌كه شه‌هید ئیلان بكه.
هێژای گۆتنێ یه، پێگه‌ها «داركا مازی» ل 23 خزیرانا ئیسال 2022 ته‌وانه‌كا هه‌مئاوا یا په‌یه‌دێ پارڤه‌كربوو، وه‌ختا كو ئاسایشا پارتیێ ب ئاوایه‌ك ڤه‌شارتی ل مه‌ها نیسانا 2022ی دو شه‌رڤانێن هه‌سه‌دێ یێن ب ناڤێن «ئەگیت و چەکدار» كو ئه‌و ژی ژ باكورێ كوردستانێ بوون، ل سینۆرێ قەزایا دێرکێ کوشتین، پشترە جەسەدێن وان ڤەگوهەستبوون ئەدلییا نەخوەشخانەیا دێرکێ.
