ئەنجوومەنا وەزیرێن ھەرێما کوردستانێ ل سەر تۆپبارانا ئیرۆ یا زاخۆیێ ژ لایێ ترکیێ ڤە کو تێدە 9 کەس شەهید و 26 کەس ژی بریندار بوون داخویانیەک دا.
ناڤەرۆکا داخویانیێ ب ڤی ئاوایە:
ئەم تۆپبارانا سەیرانگەھا پەرهخێ یا ل سینۆرێ دەرکارێ یا گرێدایی ئیدارەیا سەربخوە یا زاخۆ ژ ئالیێ ھێزێن ترکیێ ڤە ب توندی شەرمەزار دکن، کو مخابن ب سەدەما ڤێ تۆپبارانێ ھەژمارەک ژ گەشتیاران شەھید و بریندار بوونە. ئەم ژ مالباتێن شەھیدان را سەرساخیێ دخوازن و ژ برینداران را ژی شفایێ دخوازن.
د دەما بۆری دا چەندین جاران ھەرێما کوردستانێ ل ناڤخۆ و دەرڤەیێ ئیراقێ دا بوویە ئارمانجا ئێرشان و زیانێن جانی و مادی گھاندنە وەلاتیێن مە. پیدڤییە حکوومەتا فەدەرال و جڤاکا ناڤنەتەوەیی ژ بۆ پێشیلێگرتن و بداویکرنا ڤان بنپێکرنان ب باندۆرتر بخەبتن.
شەر و پەڤچوونێن د ناڤبەرا ھێزێن ترکیێ و چەکدارێن پەکەکێ ل ناڤچەیێن سینۆری یێن ھەرێما کوردستانێ بوونە جھێ مەترسیا بەردەوام ل سەر وەلاتیێن مە.