ئیراقێ چ ئێریش ل سهر ئارتێشا تركیێ ل ئامێدیێ ئهنجام نهدانه
هات راگهاندن كو ل شهڤا دهرباسبوویی دو بالافرێن بێمرۆڤ یێن دهولهتا ئیراقێ، نوقتهیێن ئارتێشا تركیێ یێن ل سینۆرێ ئامێدیێ بۆمبهباران كرنه، لێ بهلێ ئهڤ یێك نهراست دهركهت و چ نوقتهیێن ئارتێشا تركیێ راستی چ ئێریشهكێ نههاتنه.
ل شهڤا دهرباسبوویی وهكه بهرتهك ل همبهری ئێریشا تركیێ یا ل سینۆرێ زاخۆ هاتیه ئهنجام دایین كو تێده 9 وهلاتیێن ئیراقێ ژیانا خوه ژ دهست دان و پێتری 20 وهلاتیێن دن بریندار بوون، هات راگههاندن كو دو بالافرێن بێمرۆڤ یێن دهولهتا ئیراقێ، ل نوقتهیێن ئارتێشا تركیێ یێن ل دهڤهرا ئامێدی خستنه.
«سكای نیۆز عهرهبیه» ئهڤ نووچهیه ژ هنهك چاڤكانیێن ئهولههیێن یێن بهغدایێ ڤهگوههست و ب ئاوایهكی لهزگین د سۆسیال مهدیایێ هات پارڤهكرن.
د ڤێ دهربارێ ده، چاڤكانیێن پێگهها «داركا مازی» یێن ل ههرێما كوردستانێ ئهشكهره كرنه كو ل شهڤا درهباسبوویی چ بنگههـ و نوقتهیێن ئارتێشا تركیێ راستی چ ئێریشهكێ نههاتنه.
ههروهها دهستنیشان كر، چاڤكانیێن ئهولههیێن یێن ئیراقی ئهڤ نووچه وهكه بهرتهك تهنێ ژ بۆ بێدهنگ كرنا جادهیا ئیراقی پارڤهكرنه وتهڤی پێگههـ و مهدیایا عهرهبی، ههژمارهكه ههری زێده یا سازیێن مهدیایێ یێن ههرێما كوردستانێ ئهڤ ئاگاهی ژ «سكای نیۆزێ» گرتن و وسا پارڤهكرن ههر وهكه ئارتێشا ئیراقێ تۆلا قوربانیێن گوندێ پهرهخێ هلدایه!.
