شارازایەکی لەشکەری رادگەهینە کو پهكهكه ژ دەما هاتی دامەزراندن هەتا نها، ب ناڤێ بەرخوەدانێ چ سەرکەفتنەک ژ بۆ گەلێ کورد ل باکورێ کوردستانێ و چ پارچەیەکا دن ژی تۆمار نەکریە. بەرەڤاژی وێ پهكهكه ل کودەرێ بە ل وێ ناڤچەیێ زارۆک رەڤاندنە و ترکیە کێشایە وێ ناڤچەیێ و ئەو ناڤچە هاتیە بۆمبەباران کرن.
شارازایێ لەشکەری گەرمیان سەلاحەدین ژ باسنیوزێ رە راگەهاند، پهكهكه وەک گروپەکی چەکداری ب سالانە د بن ناڤێ بەرخوەدانێ دە شەر ل گەل ترکیێ دکە، لێ جارەکی ژی سەرکەفتی نەبوویە و چ دەستکەفتەک ژ بۆ گەلێ کورد ل باکورێ کوردستانێ بدەست نەئانیە. هەروهها گۆت: پهكهكه ل کودەرێ بە ل وی جیهی زارۆک رەڤاندنە، گوند هاتنە ڤالا کرن، ژ ئالیێ ترکیێ ڤە بۆمبەباران پێکهاتیە و لەشکەر کێشایە وێ دەڤەرێ. ژ بۆ نموونە، د وان دو سالێن بۆری دە گەلەک جیهێن گەشتیاری یێن هەرێما کوردستانێ، ژ بەر چەکدارێن پهكهكێ ئهوێن ژ باکورێ کوردستانێ رەڤیاین، ژ ئالیێ ترکیێ ڤە بوونە ئارمانج. لەشکەر كێشایه وان هەرێما کوردستانێ و هەروهها رۆژئاڤایێ کوردستانێ ژی.
هەروهها دیار کر، نها پهكهكه وهكه پێلیستۆکهكێ یه د دهستێ دهولهتێن ههرێمی ده و ل دژی کوردان تێ بکارئانین. و گۆت: پهكهكه ب هەموو باسک و ئالیێن خوە ڤە ژ هێلا 4 وەلاتێن ههرێمی و 6 وەلاتێن ناڤنەتەویی تێ برێڤە برن. ئهڤ ههموو وهلات پهكهكێ وەک کۆمپانیایهكێ ژ بۆ ڤەگوهەستنا مادەیێن قەدەخە و چەک و شەرکرنا ب وەکالەت ب كار تینن، چ خزمەتەکا پهكهكێ ژ بۆ دۆز و تەڤگەرا رزگاریخوازیا کوردستانێ نینه.
گەرمیان سەلاحەدین گۆت: ئهو دژمنتیا پهكهكه ل هەمبەر کوردان دکە، بەردەوام خوین و کوشتن ل دووڤ خوە ئانیە. ژ بەركو پهكهكه نە پارتیەک کوردی یە و ژ ئالیێ وەلاتێن هەرێمێ ڤە ل دژی مافێن رەوا یێن گەلێ کوردستانێ هاتیە ئاڤا کرن.
شارازایێ لەشکەری گۆت، وەک بەلگە ژ بۆ وان گۆتنان ژی پێویستی ب خواندنا زێدە یا دیرۆکێ ناکە، نموونەیا نها ل بهرچاڤا کانتۆنێن رۆژئاڤایێ کوردستانێ نە و كانێ پهكهكه چاوا رۆژ ب رۆژ رادەستی ئەنقەرە و شامێ دکن، هەروهها کشاندنا ئارتێشا ترکیێ بۆ کووراهییا ئاخا رۆژئاڤایێ کوردستانێ و هەرێما کوردستانێ.
ههروهها دهستنیشان كر، بهلگهیا ههری داویێ ل سهر ڤان گۆتنێن مه، بوویەرا پەرەخێ یا ل زاخۆ، راستە ترکیه راستەراست تۆمەتبارە، لێ پهكهكه ل جیهێن گهشتیاری چ دكه، ئان ژی بۆمبەبارانێن دن یێن کو ل دەڤەرا سلێمانی و ناڤچەیا گەشتیاریا کونەماسی پێكهاتی، ما چ کارێ پهكهكێ هەیە ما ئهو ژ بۆ گەشتێ هاتنە و چەک راکرنە، یان هاتنه شهرێ تركیێ بكن؟ کونەماسی و سینۆرێ سلێمانی ل کودەرێ و ترکیە ل کودەرێ یە؟ ئهڤ ههموو بهلگه دیار دكن كو گومانا كو پهكهكه كرێگرتیه راسته.
