رێخستنا پهكهكێ ژ بۆ رهڤاندنا كهچهكا 10 سالی ل یێك ژ گوندێن باشوورێ كوردستانێ، 3 چهكدار ئهركدار كرن، لێبهلێ ئهڤ ههول ژ ژ هێلا بابێ وێ كهچێ ڤه راستی شكهستن هات.
چاڤكانیێن پێگهها «داركا مازی» ئهشكهره كرن، ل شهڤا 19 سهر 20 خزیرانا ئیسال 2022ێ، 3 چهكدارێن پهكهكێ یێن ب ناڤێ «شهڤین، شهیدا و زیلان» ل گوندێ شۆره یێ گریدا حاجی ئۆمهران، ههول دانه كهچهكا تهمهن 10 سال یا ب ناڤێ «ساوین رزگار ئیبراهیم» برهڤینن، لێبهلێ ئهڤ ههول ژ هێلا بابێ كهچكێ ڤه راستی شكهستنێ هات.
دهستنیشان كر، پاش كو بابێ كهچكا 10 سالی هین بووی كو ئهڤ چهكدارێن پهكهكێ هاتنه ژ بۆ كو كهچا وی برهڤینن، وی گهف ل چهكداران خوار .
ل گۆری ئاگاهیێن دهستێ مه، ههرسێ چهكدارێن پهكهكێ، ژ بابێ كهچێ ره گۆتن كو ب سهدهما ههبوونا تهیارێن كهشفێ ئهو هاتنه ناڤا گوند و مالان و نیهتا وان یا رهڤاندنا كهچكێ تونه بوو.
چاڤكانیێن «داركا مازی» ئهشكهره كرن، پاش كو ڤێ بوویهرێ ل ناڤا گوند بهلاڤبوو، «رۆژهات» بهرپرسێ سهربازی یێ پهكهكێ ل سینۆرێ گوندێ گوندهژور، خوهست كو بابێ كهچكا 10 سالی ببینه، ئهڤ بهرپرسێ پهكهكێ ل سینۆرێ گوندێ شۆره دما.
«داركا مازی» هین بوو كو رۆژهات یێ بهرپرسێ پهكهكێ، ژ بابێ كهچكێ ره گۆت: «چهكدارێن پهكهكێ ههولا رهڤاندنا كهچا وان نهدانه، ئیشهكی دن یێ وان ههبوو، مه سۆز ب شێنیێن گوندێن “گوندهژور، گهلهژێر و شۆره” دایه كو ههگهر كهچ و جوانێن ڤان گوندان ب حهزا خوه ژی بخوازن تهڤلی رێخستنێ ببن، ئهمێ وان ژ قهندیلێ ڤهگهرینن.
ڤی بهرپرسێ پهكهكێ، ههر وها ژ بابێ كهچكێ ره ئاخافتنا خوه وسا دهوام كر: «ئهمێ نههێلن شێنیێن ڤان گوندان ژ پهكهكێ نیگهران ببن».
بابێ كهچكێ ژی ژ بهرپرسێ پهكهكێ ره دبێژه: «ئهزێ باوهر ژ ڤان ئاخافتنێن وه نهكم، باوهریا مه یا تام ههیه كو ئهو 3 چهكدار ژ بۆی رهڤاندنا كهچا من هاتبوون گوند، لێبهلێ كو وان كارهك وسا كربا، منێ ئهو كوشتبانه و نهدهشت كهچا من برهڤینن».
رێخستنا پهكهكێ ژ بۆی چێكرنا شهرڤانان، پشتبهستنێ ل سهر رهڤاندنا زارۆكێن كوردان ژ ههر چار پهرچهیێن كوردستانێ دكه، ئهڤ یێك ژ هێلا رێخستنێن ناڤدهولهتی و یێن پاراستنا مافێن زارۆكان هاتیه تهسبیت كرن.
