رێخستنا جوانێن شۆرەشگەر یا سەر ب رێڤەبەریا خوەسەرا گرێدای په‌كه‌كێ، زارۆکەکە دن یا 14 سالی ژ تاخا شێخ مەقسوود یا ل حەلەبێ رەڤاند و ئەو برن ناڤەندەکە لەشکەری.
تۆرا چاڤدێریا مافێن مرۆڤان یا سوورێ راگهاند، کەچا 14 سالی یا ب ناڤێ «ئەمیرا خالد شێخۆ» رۆژا 17/7/2022 ل تاخا شێخ مەقسوود یا ل حەلەبێ ژ ئالیێ تەڤەگه‌را جوانێن شۆرەشگەر ڤە هاتیە رەڤاندن و ژ بۆ ناڤەندەکە لەشکەری هاتیە برن.
تۆرا چاڤدێریا مافێن مرۆڤان دیار کر، «ئەمیرا خالد شێخۆ» ژ گوندێ قاسم یێ ناڤچەیا راجۆ یا عەفرینێ یە و ب مالباتا خوە رە کۆچبەری تاخا شێخ مەقسوود یا ل حەلەبێ بوویە.
ژ دەما داگیرکرنا هەرێما عەفرینێ ژ ئالیێ ئارتێشا ترکیێ و گرووپێن چەکدارێن سەر ب وێ ڤە د ئادارا 2018ێ دە، زێدەتر ژ 300 هەزار کەس ژ عەفرینێ کۆچبەر بوون و هەژمارەک مەزن ژ وان ل هەرێما شەهبا یا ل باکورێ حەلەبێ و تاخێن شێخ مەقسوود و ئەشرەفیێ یێن حەلەبێ ب جهـ بوون.
مالباتێن زارۆکێن رەڤاندی کریارێن تەڤگەرا جوانێن شۆرەشگەر، شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و هێزێن سووریەیا دەمۆکراتیک، بکن تا کو چارەنڤیسا زارۆکێن وان دیار بکن.
تەڤی کو هه‌سه‌دێ د خەزیرانا 2019ێ دە ب نەتەوێن یەکبوویی رە پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکاران دە ئیمزە کربوو. لێ ژ دەما کو پەیمان هاتیە ئیمزەکرن ڤە، رەوشا رەڤاندنا زارۆکان ب داوی نەبوویە.
