ئارتێشا ترکیێ و گرووپێن چەکدارێن گرێدایی وێ ژ سەرێ ڤێ سبەهێ ڤە گوندێن شەهبا و گوندێ تل تەویل یێ ئاشوورینشین یێ تل تەمرێ یێن رۆژئاڤایێ کوردستانێ تۆپباران دکن.
ل گۆر چاڤکانیێن خوەجهی، ئارتێشا ترکیێ و گرووپێن چەکدارێن گرێدایی وێ ژ سەرێ ڤێ سبەهێ گوندێن هربێل و تل مەدیق ب دژواری تۆپباران کرنە. هەروها بارەگه‌هەکێ هێزێن حکوومەتا سووریێ یێ ل گوندێ تل مەدیق ژی هاتیە تۆپباران کرن.
دەربارێ زەرار و زیانان دە هەمان چاڤکانی دبێژن، زیان تەنێ مادی بوونە. ل گۆر هەمان چاڤکانیان تۆپباران هێ ژی بەردەوامە.
ئارتێشا ترکیێ هەروها گوندێن ئەسەدیێ، خەدراوی، تل هەرمل، تل وەرد و خربەت ئەل-شیرێن گرێدایی ناڤچەیا زرگانێ یا رۆژئاڤایێ کوردستانێ ژی تۆپباران کرن. تێ گۆتن کو د ئەنجام دە گەلەک زەرارێن ماددی چێبوونە.
د تۆپبارانێن جودا جودا یێن ترکیێ ده ل سەر رۆژئاڤایێ کوردستانێ، ل رۆژێن رابووری کەسەکی سڤیل جانێ خوە ژ دەست دابوو و 8 سڤیل ژی بریندار ببوون، هەروها لەشکەرەکی سووری هاتبوو کوشتن و 2 لەشکەر ژی بریندار بوون.
هێزێن ترکیێ و گرووپێن چەکدارێن گرێدایی وێ گوندێ تل تەویلێ ئاشوورینشین ل رۆژئاڤایێ ناڤچەیا تل تەمرا رۆژئاڤایێ کوردستانێ تۆپباران کرن.
ل گۆر چاڤکانیێن خوەجەهی، ئیرۆ 25ێ تەمووزێ، هێزێن ترکیێ و گرووپێن چەکدارێن گرێدایی وێ گوندێ تل تەویلێ ئاشوورینشین ل رۆژئاڤایێ ناڤچەیا تل تەمرا رۆژئاڤایێ کوردستانێ تۆپباران کرنە.
هەمان چاڤکانیان دان زانین کو تۆپباران هەتا 9:00 سەرێ سبەهێ بەردەوام بوویە، لێ دەربارێ زەرار و زیانان دە ت ئاگاهی نەهاتنە بەلاڤ کرن.
هێزێن ترکیێ و گرووپێن چەکدار ب ئاوایەکی بەرفرەهـ دەست ب تۆپبارانکرنا ناڤچەیێن گوندەوارێن باکور و رۆژئاڤایێ تل تەمرێ ل رۆژئاڤایێ کوردستانێ کرنە.
ل گۆر چاڤکانیێن خوەجهی، دۆهـ 24ێ تەمووزێ ژی د تۆپبارانا هێزێن ترکیێ و گرووپێن چەکدار دە بۆ سەر تل تەمرێ وەلاتیەکی جانێ خوە ژ دەست دابوو و چار وەلاتیێن دن ژی بریندار بووبوون.
