پەکەکێ هەشت گەریلایێن خوە ل شێلادزێ گولـلەباران کرن

پەکەکێ هەشت گەریلایێن خوە ل شێلادزێ گولـلەباران کرن

جەنازەیێن 8 گه‌ریلایێن په‌كه‌كێ ل چیایێ کورەژار تێن دیتن، گومان تێ کرن پەکەکێ ب خوە ئەو گەریلا کوشتبن.

یەک ژ ولاتیێن ناحیا شێلادزێ کو نەخوەست ژ بەر پاراستنا جانێ خوە ناڤێ وی وەرە ئەشکەرە کرن ژ «دارکا مازی» را راگهاند، ژ ئالیێ خەلکێ شێلادزێ ڤە یێن کو دچن چیایێ کورەژار جەنازەیێن 8 گەریلایێن پەکەکێ هاتنە دیتن کو تەڤ ب گولـلەیێن کەلاشینکۆفێ هاتنە کوشتن و دەما 19 رۆژانە ئەو جەنازە ل بەر دەریێ شەکفتا گابەرێ بێی خوەدی مانە.

ڤی ولاتیێ شێلادزێ تایبەت ژ بۆ پێگەها “دارکا مازی” ده‌ستنیشان كر، ل گۆر گۆتنێن شڤان و کەسێن کو سەرەدانا چیایێ کورەژار دکن، 8 جەنازەیێن گەریلایێن پەکەکێ یەک ژی زلام و 7 ژن، ل بەر دەریێ شکەفتا گابەرێ کو دکەڤە پشتا تاتا ماهینا ل چیایێ کورەژار یێ هنداڤی ناحیا شێلادزێ ل باشوورێ کوردستانێ کەتنە.

گومان تێ کرن ئەڤ 8 گەریلا ژ ئالیێ پەکەکێ ب خوە ڤە هاتبن کوشتن، ژ بەر کو وان خوەستیە خوە رادەستی سازیێن ئەولەهیێ یێن حکوومەتا هەرێما کوردستانێ بکن، لێ بەلێ ژ بەر کو ئەڤ یەک ل جەم پەکەکێ ب ئیخانەت تێ ناسکرن ئەو گەریلا گولـلەباران کرنە.

هەر وەها ئەشکەرە کر، ل رۆژا 7/7/2022یێ هندەک ژ خەلکێ شێلادزێ خواستنە بچن و جەنازەیێن وان گەریلایان بن ئاخ بکن، لێ ژ بەر ئێریشێن دەولەتا ترکیێ ل سەر ڤێ هەرێمێ نەکارینە ڤی کاری ئەنجام بدن.

پوستێن ھەمان بەش