ل دەڤەرا شارباژێر یا سلێمانیێ دو گوندێن دن ژ بەر هەبوونا چەکدارێن پەکەکێ و بۆردۆمانا بەردەوام یا بالەفرێن ترکیێ ھاتن ڤالاکرن.
سەکرتەرێ ئەنجومەنا پارێزگەھا سلێمانیێ، مەھدی مەحموود راگهاند، ل دەڤەرێن ماوەت و شارباژێر یێن سلێمانیێ بنکە و بارەگەھێن چەکدارێن پەکەکێ ھەنە و ترکا ژی وان دەڤەران بۆردوومان دکە و خەلکێ سڤیل دبن قوربانی.
مەھدی مەحموود ھەر وھا گۆت، ھەری داوی ل شارباژێر گوندێن قامیشی گەلالە و دۆلەسوور ھاتن ڤالاکرن. ب راستی کارەساتە.
مەھدی مەحموود، کو ئەندامێ سەرکرداتیا یەکگرتوویە ژی، دا زانین، پێدڤییە ئالیێن پێوەندیدار بێژنە پەکەکێ بنکە و بارەگەھێن خوە ل وان دەڤەران رابکە. ئەگەر وسا نەکە خەلکێ بەلەنگاز دێ بنە قوربانیێن شەرێ پەکەکێ و ترکیێ.
سەکرتەرێ ئەنجومەنا پارێزگەھا سلێمانیێ بانگ ل پەکەکێ کر رەوشا ھەرێما کوردستانێ ل بەر چاڤان بگرە و گۆت، پەکەکە باش دزانە ل کو بە ترکیا دێ ئێرشی ور بکە ئەڤجا چما دبن سەبەبا مالوێرانیێ. بلا ژ گوندان دوور بکەڤن.
