چه‌ته‌یێن په‌كه‌كێ دو زارۆكێن دن ره‌ڤاندن
ته‌ڤگه‌را جوانێن شۆره‌شگه‌ر یا گرێدای رێڤه‌به‌ریا خوه‌سه‌را رۆژئاڤایێ كوردستانێ، د و زارۆكێن دن یێن ب ناڤێ «مریه‌م عه‌بدوللا عه‌لی و محه‌مه‌د ئه‌دهه‌م خه‌لیل» ره‌ڤاندن و دایكێن وان بانگا ڤه‌گه‌راندنا زارۆكێن خوه دكن.
هات راگهاندن كو ته‌ڤگه‌را ب ناڤێ «جوانێن شۆره‌شگه‌ر» یێن كو راسته راست ب فه‌رمانا قه‌ندیلێ و شه‌خسێ جه‌میل باییك كارێ ره‌ڤاندنا زارۆكان و ئیشكه‌نجه‌یا كه‌سێن وه‌لاتپارێز و ئێریشا سه‌ر باره‌گه‌هێن پارتیێن كوردستانی دكن، ل ڤێ مه‌هێ دو زارۆكێن 14 سالی یێك ژێ كه‌چ ل رۆژئاڤا ره‌ڤاندنه و چاره‌نووسا وان نه‌دیاره.
زارۆكێن ره‌ڤاندی ئه‌ڤن:
1- محه‌مه‌د ئه‌دهه‌م خه‌لیل
جهێ ره‌ڤاندنێ: عه‌فرین
ده‌ما ره‌ڤاندنێ: 2016
2- مریه‌م عه‌بدوللا عه‌لی
جهێ ره‌ڤاندنێ: كۆبانێ
ده‌ما ره‌ڤاندنێ: 7/7/2022
ل گۆری گۆتنا دایكێن ڤان دو زارۆكان كو ب رێیا كه‌نالا ئاركێ بانگا ڤه‌گه‌راندنا زارۆكێن خوه دكرن، چاره‌نووسا مریه‌م ومحه‌مه‌د نه‌دیاره.
رێخستنا په‌كه‌كێ و باسكێ وێ یێ رۆژئاڤا ژ بۆی چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان دكن، ئه‌ڤ یێك ژی ژ هێلا رێخستنێن ناڤده‌وله‌تی و یێن پاراستنا مافێن زارۆكان ته‌سبیت كریه.
